-
KÍF styrk úr Íslandi og Klaksvík
KÍF boðar í kvøld frá, at felagið hevur fingið tilgongd av tveimum nýggjum leikarum.
Talan er um 20 ára gamla Benedikt Emil Aðalsteinsson úr Víkingi í íslendsku 1. deild, og 31 ára gamla Jens Paula Poulsen, sum eftir nógv ár í Team Klaksvík nú roynir aðrar leiðir.
KÍF skrivar, at hetta er týdningarmikið, nú Tórur Joensen, unga stjørnuskotið, má sita úti restina av kappingarárinum við krossbandsskaða.
-
Hákun 100 % í greiðum heimasigri í Champions League
Hákun West av Teigum skoraði upp á øll trý skotini, tá ið Füchse Berlin vann ein sera greiðan 38-27 sigur á norska liðnum Kolstad í Champions League.
Toppskútti hjá Füchse við níggju málum var norski landsliðsleikarin, Tobias Grondahl, sum heldur saman við føroyska landsliðsleikaranum, Lív Sveinbjørnsdóttir Poulsen.
Füchse er á fyrsta plássi í bólki A við fullum stigatalið, tíggju stigum fyri fimm dystir.
-
Óli og GOG greiðan sigur í Champions League
Óli Mittún skoraði fimm ferðir, tá ið GOG í Champions League vann 36-31 á RK Zagreb í Kroatia.
Álopsspælið hjá GOG koyrdi sera væl, og teir komu fram um beinanvegin og førdu heili 19-11 í stegðinum.
Kroatar hava tapt allar sínar fimm dystir í bólkinum. Við sigrinum er GOG nú javnt við PSG og Pick Szeged, sum eisini hava vunnið tvær ferðir. Magdeburg og Barcelona eru fremst og tykjast á beinari kós í fjóringsfinalurnar.
Átta lið eru í hvørjum av teimum báðum bólkunum í Champions League. Tvey tey fremstu koma beinleiðis í fjóringsfinalurnar, meðan nummar trý til sekst skulu spæla playoff-dystir.
-
Menninir hjá H71 taptu greitt í Bosnia
H71 skrivar á Facebook, at menninir hjá felagnum taptu 36-28 í fyrra dystinum í European Cup móti RK Konjuh, sum er oddalið í bosnisku deildini.
Leikferðin var høg frá byrjan, og verjurnar vóru harðar. Hoyvíkingar spældu vertirnar tunnar í løtum, serliga við skjótum og ágangandi spæli. Brian Slyne og Jákup Egholm vóru eyðsýndir.
Villur darvaðu tó nógv, og Peter Krogh fekk reytt kort eftir seks minuttir. RK Konjuh tók eina leiðslu upp á 9-7 eftir fimtan minuttir.
H71 misti ferð og neyvleika, meðan vertirnir spældu við høgari ferð. Hálvleiksstøðan var 19-14.
Eftir steðgin byrjaðu hoyvíkingar illa og brúktu átta minuttir at skora. Tá ið annar hálvleikur var hálvrunnin, var støðan 25-18.
Móti endanum funnu hoyvíkingar álopsstevið og skoraðu tíggju mál í síðsta fjórðinginum. Men RK Konjuh helt fast.
Endaliga úrslitið gjørdist 36-28. H71 skal vinna seinna dystin við minst átta málum fyri at koma víðari.
-
Ein gylt hondbóltsløta í Reykjavík
EM-undandystur, kvinnuhondbóltur
Ísland – Føroyar 22-24 (10-10)Føroysku hondbóltskvinnurnar gjørdu ikki minni enn at vinna móti Íslandi á útvølli í kvøld.
Harvið heldur føroyska hondbóltsævintýrið fram, nú fyrsti landsdysturin av mongum hendan veturin er spældur. Bæði kvinnur og menn skulu til endaspøl, so tað er nógv at gleða seg til.
Føroyar vóru í kvøld á odda stóran part av dystinum. Jana Mittún og Súna Hansen koyrdu tað føroyska spælið væl, smoygdu sær gjøgnum, spældu Pernille Brandenburg á strikuni og veingirnar leysar. Einasta orsøkin til, at vit ikki skoraðu fleiri mál, vóru ov nógvir brendir møguleikar av øllum plássum.
Les alla dystarfrásøgnina -
StÍF spælir evropeiskan hondbólt í Serbia um vikuskiftið
StÍF skrivar á Facebook, at mansliðið hjá felagnum er á veg til Serbia at spæla evropeiskan hondbólt.
Strandingar skulu spæla móti serbiska liðnum HC Vojvodina
Dystirnir verða báðir spældir í Novi Sad í Serbia. Tann fyrri fríggjadagin kloikkan 17.00 føroyska tíð og tann seinni sunnudagin klokkan 17.00.
-
Ronaldo enn eitt met
Cristiano Ronaldo hevur aftur skrivað søgu.
Týsdagin skoraði hann bæði málini í 2-2 dystinum móti Ungarn í HM-kappingini.
Við hesum gjørdist hann mest skorandi spælarin nakrantíð í HM-undankappingini. Ronaldo hevur nú skorað 41 mál í 50 HM-undandystum.
Fýra av hesum málum komu móti Føroyum í HM-undankappingini til HM-2018. Eitt á Tórsvølli og trý í Portugal. Á myndini ansar Sonni Ragnar Nattestad eftir portigisisku heimsstjørnuni á Tórsvølli 10 . oktobur 2016.
Í alt hevur hann skorað 143 mál í 225 landsdystum, og tað er eisini met fyri flest landsliðsmál.
-
Kekkia sendir venjaran til hús
Kekkiski venjarin, Ivan Hasek, yvirlivdi ikki 2-1 tapið móti Føroyum.
Idnes.cz skrivar, at fótbóltssambandið í Kekkia hevur nú sagt Hasek úr starvi. Hann vann bert 11 av 21 dystum, og megnaði ikki at vinna á liðum omanfyri Kekkia á styrkilistanum.
Dagin eftir bað landsliðslegendan og ítróttarstjórin hjá Kekkia Pavel Nedved um almenna umbering fyri kekkiska avrikið.
Eisini 5-1 tapið móti Kroatia í summar var svárt.
Starvsnevndin hevði kreppufund á flogvøllinum í Vágum, meðan kekkar vóru strandaðir í Føroyum av mjørka.
Ein fyribilsvenjari skal taka yvir til dystin móti Gibraltar í novembur. Pavel Nedved hevur fingið fulla heimild at velja nýggjan venjara, sum skal skriva undir fýra ára sáttmála.
-
Hondbóltskvinnurnar móti Íslandi í kvøld kl. 20.30
Í kvøld klokkan 20.30 spælir kvinnulandsliðið í hondbólti EM-undankappingardyst móti Íslandi í Reykjavík.
Hetta er fyrsti dysturin í hesari EM-undankappingini. Føroyar eru í bólki við Montenegro, Íslandi, og Portugal. Leygardagin spæla Føroyar móti Montenegro heima í høllini við Tjarnir.
Kringvarpið byrjar at senda klokkan 20.00.
-
Fyrsta mánaðarliðið í manshondbólti
Hagtalssíðan, Handballztatz, hevur valt fyrsta mánaðarliðið í Burndeildini hetta kappingarárið.
Á liðnum er ungi Micah Ragnarsson úr H71 er í málinum. Jákup Egholm úr H71 er á vinstra vongi. Trúgvi Hávardsson úr StÍF, sum heldur fram góða spæli á vinstra bakki. Ársins leikari frá í fjør, Høgni Heinason mitt fyri. Ovi Lützen úr Kyndli á høgra bakki. Bárður Dam úr KÍF á høgra veingi. Og Kristian Jensen, sum er komin úr VÍF til Neistan á strikuni.
-
Áki hevur nú spælt flestar U21-landsdystir
Á myndini heilsar liðformaðurin á U21-landsliðnum, Áki Samuelsen, upp á dómarar og liðformann hjá Sveis undan kvøldsins dysti á Tórsvølli.
Hetta var sambært FaroeSoccer nítjandi U21-landsdystur hjá Áka, sum harvið tekur metið frá Steffan Radosavljevic, Jóannes Bjartalíð og Lukas Giesing, sum sambært FaroeSoccer hava spælt átjan U21-landsdystir.
Áki hevur skotið tvey mál fyri U21-landsliðið.
Tað er stórur møguleiki er fyri, at Áki fer at bøta um metið, tí U21-landsliðið skal spæla fimm dystir afturat í hesi EM-undankappingini. Næsti dystur er í Fraklandi 17. novembur.
-
U21: Mistu konsentratiónina eftir at hava javnað
U21 – EM-undandystur á Tórsvølli
Føroyar – Sveis 1-3 (0-1)Annan dystin á rað taptu okkara U21-,menn í fótbólti. Hesaferð var tað Sveis, sum vann 3-1 á Tórsvølli.
Ikki tað, Føroyar vóru væl við leikliga, og kláraðu sum heild væl at halda Sveis frá at skapa vandamiklar støður. Sveis var als ikki á sama støði sum sera góða franska U21-landsliðið, sum vitjaði í Klaksvík hósdagin.
Sveis kom fram um í fyrra hálvleiki. Jóhan Josephsen javnaði fyri Føroyar eitt korter fyri tíð. Men føroyska liðið var ikki nóg hugsavnað beint eftir málið, og Sveis kom fram um aftur í fyrsta álopið eftir okkara mál.
Seinasta málið kom, tá ið Hans Jákup Armgrimsson fyrst bjargaði brotsskarki, men retururin fór í málið.
Les alla dystarfrásøgnina -
Svøríki sendir Jon Dahl Tomasson til hús
Svenska fótbóltssambandið boðar í dag frá, at landsliðsvenjarin Jon Dahl Tomasson er sagdur úr starvi.
Danin varð settur í starv 2024, men tapið 0-1 móti Kosovo mánadagin gjørdist hansara síðsta dystur.
Fótbóltssambandið sigur, at bert eitt stig í fýra dystum í HM-kappingini er ov lítið. Tí verður nú leita eftir nýggjum venjara.
Ein sum longu hevur bjóðað seg fram til starvið, er enski Graham Potter, sum herfyri var koyrdur í West Ham. Hann hevur áður verið venjari hjá Östersunds í Svøríki, og er beint nú í húsinum, sum hann framvegis eigur í Svøríki
-
U21-landsdystur: Ein sigur í kvøld gevur vónir um EM-endaspæl
Klokkan seks í kvøld spælir U21-manslandsliðið í fótbólti EM-undandyst á Tórsvølli móti Sveis.
Eftir tríggjar sigrar, taptu okkara menn 6-0 móti Fraklandi í Klaksvík fríggjakvøldið.
Nú skal U21-landsliðið reisa seg aftur og megna teir at fáa úrslit móti Sveis, serliga ein sigur, so er av álvara vón um náa øðrum plássinum, sum gevur atgongd til avgerandi røkk ella støkk dystir.
Við fsf.fo sigur venjarin, Ólavur Mikkelsen, at lykilin er hart arbeiði og gott verjuspæl. Hann metir Sveis sum næststerkasta liðið í bólkinum.
Stigatalva og myndir frá venjing -
Ísland stig móti Fraklandi – Vónin um HM livir enn
Grannar okkara fyri norðan, Ísland spældu seg í gjár til eitt gott úrslit móti Frakland við øllum heimsstjørnunum
Á heimavøllinum í Reykjavík spældi Ísland javnt 2-2 móti næstbesta landinum í heiminum
Við úrslitinum livir íslendska vónin um HM framvegis undan teimum seinastu tveimum umførunum í HM-undankappingini.
Ísland spælir í novembur á útivølli móti Aserbadjan og Ukraina.
Stigatalva – Bólkur D
D V J T Mál +/- Stig 1 Frakland 4 3 1 0 9–3 +6 10 2 Ukraina 4 2 1 1 8–7 +1 7 3 Ísland 4 1 1 2 11–9 +2 4 4 Aserbadjan 4 0 1 3 2–13 -11 1 -
Svensk fiasko – Vilja koyra Jon Dahl Tomasson
Í morgun er kreppufundur í svenska fótbóltssambandinum, eftir at svenska fótbóltslandsliðið tapti í gjárkvøldið 1-0 móti Kosovo á heimavølli.
Harvið hevur Svøríki bara fingið eitt stig í fýra dystum í HM-undankappingini. Tað ger, at tað bara er ein evarska lítil teoretiskur møguleiki fyri, at Svøríki kann spæla seg til HM.
Svenskir miðlar og viðmerkjarar er sjálvandi ikki blíðir eftir vánaligu úrstlini, og er samd um, at tíðin hjá landsliðsvenjaranum, dananum Jon Dahl Tomasson, er farin og vilja hava hann koyrdan frá.
Bólkur B – Stigatalva
D V J T Mál +/- Stig 1 Sveis 4 3 1 0 9–0 +9 10 2 Kosovo 4 2 1 1 3–4 -1 7 3 Slovenia 4 0 3 1 2–5 -3 3 4 Svøríki 4 0 1 3 2–7 -5 1 -
TB leingir við venjaran fram til 2027
TB boðar í kvøld frá, at felagið hevur longt sáttmálan við høvuðsvenjaran Thomas Thinggaard fram til og við 2027.
Thomas kom til TB fyri summarfrítíðina. Hann hevur áður verið venjari hjá U17-landsliðnum og fótbóltsmennari hjá Fótbóltssambandinum.
TB flutti upp í bestu deildina í ár, men hevur havt trupult við at fáa úrslit. Felagið liggur niðast, og tað skal nógv til, um felagið skal bjarga sær.
Formaðurin André Dalfoss sigur, at Thomas hevur fingið ró á felagið og er perfektur til TB. Ungir leikarar hava spælt nógv, og øll í felagnum eru sera væl nøgd við hansara arbeiði.
-
Grønhøvdaoyggjar spælt seg til HM
Oyggjalandið, Kabo Verdi, ella Grønhøvdaoyggjar, sum tað plagdi at eita á føroyskum, hevur spælt seg til HM-endaspælið.
Oyggjalandi við 600.000 íbúgvum, sum liggur í Atlantshavinum út fyri Afrika, vann bólk D í afrikansku HM-undankappingini eftir 3–0 sigur móti Eswatini.
Hetta er fyrstu ferð í søguni, at Kabo Verdi spælir seg til HM-endaspælið.
Kabo Verdi verður næstminsta landið nakrantíð í einum HM-endaspæli. Bara Ísland hevur verið minni.
Í hópinum eru leikarar føddir í millum annað Niðurlondum, Portugal og Fraklandi.
Kabo Verdi er fyrrverandi koloni hjá Portugal, og gjørdist sjálvstøðugt í 1975.
Kendasti fótbóltsleikarin nakrantíð frá Kabo Verdi, er Nani, sum spældi við Manchester United og fyri portugisiska landsliðið.
-
Nedved: Ósigurin móti Føroyum kann fáa avleiðingar
Hóast Atli Gregersen í “Fótbóltspráti” útvarpinum heitti á føroyingar at brúka føroyskar miðlar, er tað altíð áhugavert at síggja, hvat útlendskir miðlar siga.
Beinanvegin eftir 2–1 sigurin hjá Føroyum á Kekkia á Tórsvølli kom ein greið og harðorðað viðmerking frá fyrrverandi kekkiska stórleikaranum og Ballon d’or vinnaranum, Pavel Nedved. Hann segði, at ósigurin og leikgongdin í einum so týdningarmiklum dysti ikki kann góðtakast. Hann bað viðhaldsfólkini um umbering og staðfesti, at orka, skipan og stríðsvilji manglaðu.
Nedved kom aftur í kekkiskan fótbólt í juni og hevur nú ábyrgdina av bæði A- og U21-landsliðnum, sum eitt slag av stjóra fyri landsliðsmenningini í Kekkia. Hann kann til dømis mæla til, at venjarin Ivan Hasek verður loystur úr starvi, og kekkiskir miðlar halda, at tað kann henda. Nedved segði: “Vit fara at meta um støðuna, tá vit eru afturkomnir til Kekkia.”
Kekkiskir miðlar eru beiskir. iSport/Blesk kallar tapið “Skandala á Føroyum” og spyr, um Hasek eigur at fara frá. Lesarar krevja eisini broytingar og ivast í, um liðið er klárt til HM.
iDNES.cz endurgevur Hasek, sum viðgongur, at okkurt ikki virkaði. Teir leggja dent á, at Kekkia, sum hevði bóltin, men ikki neyvleikan. Føroyar vóru væl skipaðar og tóku av, tá møguleikin beyð seg.
Sport.cz skrivar, at ein fjórðingstími í seinna hálvleiki avgjørdi dystin. Teir rósa Føroyum fyri taktiskan neyvleika og stríðsvilja.
Tapið hevur skakað kekkiska fótbóltin, og Føroyar fáa rós fyri ein væl fyrireikaðan og søguligan sigur, sum hevur vakt ans kring Evropa.
-
Dystarfrásøgn: Føroyar á flog í dreymaverð
HM-undandystur, bólkur L, á Tórsvølli kl. 17.00
Føroyar – Kekkia 2-1 (0-0)Hósdagin spældu vit ein tann besta landsdystin nakrantíð móti Montenegro, og í dag spældu vit upp aftur betri móti Kekkia.
Okkara menn spældu upp móti einum sera góðum kekkiskum lansliðið, og hóast talan var um ein javnan dyst, so ber væl til at siga, at 2-1 sigurin var í lagi.
Sjáldan um ikki ongantíð hava vit sæð føroyska manslandsliðið í fótbólti spæla so væl sum hesar báðar dystirnar. Landsliðið hevur fingið veruligt flog, og nú ræður um at halda flogið.
Føroyska venjaraloysnin hevur gjørt undurverk
Les meira -
Undanfrásøgn: Ræður um, at fáa armarnar niður aftur
HM-undandystur, bólkur L, á Tórsvølli kl. 17.00
Føroyar – KekkiaFøroyar spæla ímóti Kekkia á Tórsvølli í dag klokkan 17.00 í HM-undandysti í bólki L.
Kekkia er nummar tvey í bókinum við 13 stigum, javnir í stigum við Kroatia á fremsta plássi.
Føroyar eru eftir frálíka stórsigurin móti Montenegro á triðja plássi við 9 stigum. So skuldu okkara megna tað heilt óvæntaða at vunnið móti Kekkia í dag, so verða vit bara eitt stig aftanfyri teir.
Nú ræður fyrst og fremst um at fáa armarnar niður og so at fara hugsavnaðir á vøllin at stríðast av fullum huga.
Les meira -
Árni skaraði burturúr í besta landsdystinum nakrantíð
HM-undandystur, bólkur L, á Tórsvølli kl. 19.45
Føroyar – Montenegro 4-0 (2-0)Føroyar vunnu í kvøld tann størsta sigurin nakrantíð, tá ið Montenegro varð sent av landinum aftur við einum 4-0 ósigri.
Fyrri hálvleikur var leikliga rímiliga javnur fyrstu løtuna. Men Føroyar vóru vandamiklari, og tá ið eitt korter var spælt legði Hanus Sørensen Føroyar fram um.
Tíggju minuttir fyri hálvleik øktu Føroyar, tá ið Árni Frederiksberg sendi eitt fríspark innfyri, og bólturin endaði í málinum umvegis ein montenegra ella Meinhard Olsen.
Í seinna hálvleiki høvdu Føroyar fullkomiliga stýr á dystinum, og tað vóru ikki meira tíggju spældir, tá ið Árni Frederiksberg legði upp til sítt tríðja mál, tá ið Hanus Sørensen skallaði eitt frálíkt innlegg í málið.
Árni Frederiksberg setti sjálvur krúnina á verkið, tá ið hann miðskeiðis í seinna hálvleiki sendi eitt brotsspark í málið.
Dysturin og filmssamandráttur á heimasíðuni hjá UEFA
Les dystarfrásøgnina her -
Hesir ellivu byrja á Tórsvølli
Eyðun Klakstein, landsliðsvenjari, hevur valt hesar ellivu at byrja á vøllinum móti Montenegro á Tórsvølli í kvøld:
Mattias H. Lamhauge – Jóannes K. Danielsen, Odmar Færø, Gunnar Vatnhamar, Andrias Edmundsson, Martin Agnarsson – Árni Frederiksberg, Brandur Hendriksson, Jákup B. Andreasen, Hanus Sørensen – Meinhard E. Olsen
Á beinkinum:
Bárður á Reynatrøð (má), Bjarti Mørk (má), Viljormur Davidsen, Jann Julin Benjaminsen, Arnbjørn Svensson, Hallur Hansson, Geza David Turi, Adrian Justinussen, Jóannes Bjartalíð, Páll Andrasson Klettskarð, Jóan Símun Edmundsson, Petur Knudsen.Kringvarpið sjónvarpar dystin, og FM1 útvarpar dystin.
-
Undarfrásøgn: Stríðast um triðja plássið á Tórsvølli í kvøld
HM-undandystur, bólkur L, á Tórsvølli kl. 19.45
Føroyar – MontenegroÍ kvøld klokkan 19.45 taka Føroyar móti Montenegro á Tórsvølli. Bæði liðini hava seks stig eftir fimm dystir í HM-undanbólki L, og tí er talan um beinleiðis stríð um triðja plássið.
Tá ið londini spældu í Podgorica í mars, sá út til at enda 0-0. Men í 95. minutti skoraði Montenegro og vann 1-0. Tað var fyrstu ferð, at A-landsliðini hjá londunum møttust. Føroyar hava sostatt nakað at hevna á heimavølli.
Les alt um dystin -
Salah sendi Egyptaland til HM-endaspælið
Stjørnuáleyparin hjá ensku meistarunum Liverpool, Mohamed Salah, hevur havt ein sera vánaliga byrjan upp á kappingarárið í Liverpool.
Men í kvøld skoraði hann tvey mál, tá ið Egyptaland spældi seg til HM-endaspælið í fótbólti við einum greiðum 3-0 sigri á Djibouti.
Ibrahim Adel legði Egyptaland á odda, áðrenn Salah skoraði annað og triðja málið.
Við sigrinum hevur Egyptaland nú 23 stig og liggur fremst í bólkinum.
Bara ein dystur er eftir, og Burkina Faso, sum liggur fimm stig aftanfyri, kann ikki longur náa Egyptaland.
Egyptaland hevur áður verið við í HM tríggjar ferðir. Seinast var í 2018, tá teir fóru heim úr Russlandi uttan stig.
-
Óli og GOG taptu greitt fyri Magdeburg
GOG spældi í kvøld í Champions League móti ongum minni enn Magdeburg, sum vann kappingina seinsta kappingarár.
Óli Mittún spældi í álopinum. Hann stýrdi spælinum væl og skoraði trý mál. Tað var eisini nokk til at fylgja við týska stórfelagnum allan fyrra hálvleik.
16-16 stóð tveir minuttir fyri steðgin og GOG hevði bóltin,. Men kortini var tað Magdeburg, sum skoraði tvey mál afturat og førdi 18-16 í steðginum.
Í seinna hálvleiki økti Magdeburg beinanvegin og GOG kom ongantíð inn i dystin aftur. Endin var, at Magdeburg vann 39-30.
Óli sat á beinkinum seinasta part av dystinum.
Magdeburg hevur fult stigatal í bóllki B, meðan GOG hevur tvey stig fyri fýra dystir.
-
U17 dreingirnir taptu greitt móti vertslandinum
U17-dreingirnir í fótbólti taptu greitt móti Eysturríki í fyrsta dystinum í EM-undanbólki 6. Dysturin endaði við 5-1 sigri til Eysturríki.
Eysturríki førdi 1-0 í steðginum og kom fram um 3-0, áðrenn Dennis Anghel minkaði um munin til 3-1.
Dennis Anghel er, sum navnið eisini bendir á, sonur Sorin Anghel, sum var týðandi leikari í bestu føroysku deildin í nógv ár.
Eysturríki skoraði tvey mál afturat til úrslitið 5-1.
Christian Høgni Jacobsen hevur 18 spælarar við til kappingina. Fýra av teimum spæla í donskum feløgum.
Dysturin á heimasíðuni hjá UEFA
Dystaskráin
Síggi allan hópin her
11. okt. Írland – Føroyar (Lindabrunn) kl. 11.00
14. okt. Føroyar – Kosovo (Lindabrunn) kl. 14.00 -
André vann móti Fróða
Tveir toftamenn vóru venjarar hjá hvør sínum liði í Gundadali í kvøld, tá ið HB tók móti B68. André Olsen og Fróði Benjaminsen.
Undan dystinum hevði hvørgin venjarin tapt í Betrideildini higartil, Fróði gott nokk bara tveir dystir.
Eftir dystin var bara André ósigraður, tí HB vann greitt 5-1, og var betri í øllum lutum í spælinum.
Tað var tó B68, sum loypti hvøkk á HB, tá ið Djóni Samuelsen skoraði móti sínum barndómsfelagi tíðliga í dystinum.
Dan í Soylu janvaði fyri steðgin, og í seinna hálvleiki orkaðu toftamenn ikki at standa í móti meira. Emil Grønn Pedersen, Sammy Skytte, Dan í Soyli einaferð afturat og Bartal Páll Klein skoraðu málini.
NSÍ vann eisini í kvøld, og tí er HB enn á triðja plássinum. B68 liggur trygt mitt á stigatalvuni og hava bara æruni at spæla fyri.
Samandráttir frá 25. umfarið frá Televarpinum
-
KÍ er føroyameistari 2025
(Skermmynd: Televarpið)
KÍ er føroyameistari 2026. Tað gjørdist greitt, tá ið teir í kvøld vunnu 2-1 móti 07 Vestri í Sørvági.
Tað tók góða løtu áðrenn KÍ kom fram um. Men beint eftir hálvleiki, legði Árni Frederiksberg KÍ fram um, tá ið hann setti eitt flætt innlegg frá Filip Brattbakk í málið.
07 Vestur javnaði tíggju minuttir seinni. Tað var Casper Gedsted Hansen, sum skoraði.
KÍ átti tó seinasta orðið í dystinum, og tað var við tí vanligu KÍ-uppskriftini. Árni Frederiksberg til Pàll Klettskarð, og so var KÍ á meistarakós.
Páll Klettskarð náddi at fáa reytt kort fimm minuttir fyri tíð, men fleiri mál komu ikki.
KI er føroyameistari 2025, hóast tvey umfør eru eftir.
Hjartaliga til lukkku KÍ.
-
Adrian skiftir til Horsens
Landsliðsleikarin, Adrian Justinussen, skiftir til AC Horsens 1. januar, tá sáttmálin við Hillerød gongur út.
Føroyski álopsleikarin hevur gjørt vart við seg í Danmark seinastu tjúgu mánaðirnar, har hann hevur skorað 31 mál og lagt upp til sjey í 58 dystum fyri Hillerød.
Tí hevur AC Horsens, sum er fíggjarliga sterkari enn Hillerød, gjørt tvey og eitt hálvt-ára sáttmála við Justinussen.
Adrian hevur longu víst sítt virði í deildini. Hann skoraði tvey mál júst móti júst Horsens síðsta vikuskifti.
Sáttmálin er galdandi til summarið 2028.
-
Tvær ferðir Pauli og Høgni nýggir á landsliðnum
Neistamaðurin, Pauli Høj, sum spælir við Bergsøy í Noreg, Pauli Rasmussen úr StÍF og ársins leikari Høgni Heinason úr H71 er nýggir í landsliðshópinum, sum landsliðsvenjararnir, Peter Bredsdorff-Larsen og Hjalti Mohr Jacobsen, hava úttikið til Golden League kappingina í Tróndheimi 30. oktobur til 2. novembur.
Golden League verður spælt í Tróndheimi. Føroyar spæla móti Niðurlondum 30. oktobur, móti Noregi 1. novembur og móti Danmark 2. novembur.
Hesir eru úttiknir til dystirnar:
Málverjar:
Les um atgongumerkjasøluna
Pauli Jacobsen, HØJ Elite (DEN)
Aleksandar Lacok, TSV St. Otmar Handball St. Gallen (SUI)
Bakkar:
Tróndur Mikkelsen, HF Karlskrona (SWE)
Rói Ellefsen á Skipagøtu, IF Hallby HK (SWE)
Óli Mittún, GOG (DEN)
Elias Ellefsen á Skipagøtu, THW Kiel (GER)
Pauli Mittún, Team Sydhavsøerne (DEN)
Vilhelm Poulsen, TSV Hannover-Burgdorf (GER)
Kjartan Johansen, Elitesport Vendsyssel (DEN)
Pauli Rasmussen, StÍF
Høgni Heinason, H71
Vengur:
Rói Berg Hansen, Køge Håndbold (DEN)
Leivur Mortensen, HC København (DEN)
Pauli Høj, Bergsøy (NOR)
Hákun West av Teigum, Füchse Berlin, (GER)
Allan Norðberg, Valur (ISL)
Strikur:
Teis Horn Rasmussen, Ribe-Esbjerg HH (DEN)
Pætur Mikkjalsson, Team Sydhavsøerne (DEN)
Ísak Vedelsbøl, IK Sävehof (SWE) -
André í HB í 2026 og 2027
HB boðar í dag frá, at felagið hevur longt sáttmálan við André Olsen við tveimum árum fram til og við 2027.
André Olsen tók við í HB eftir eina sera vánaliga byrjan upp á kappingarárið undir Adolfo Sormani. Síðan tá hevur HB ongan dyst tapt í landskappingini, og einasti ósigurin var móti Brøndby í Conference League.
-
Ungir víkingar víðari í Youth League
U19-dreingirnir hjá Víkingi megnaði í kvøld at skriva føroyska fótbóltssøgu við at spæla seg víðari í UEFA Youth League.
Teir vunnu 4-1 á Narva Trans úr Estlandi á Tórsvølli. Fyrri dysturin endaði 1-0 til Narva,
Dávid á Líðarenda legði Víking á odda undan steðginum. Arnór Brandsson brendi brotsspark, men fekk beint bóltin í málið. Jacob Bacalso økti til 3-0. Estiska liðið minkaði um munin, men Bogi á Reynatrøð punkteraði spenningin við 4-1 málinum.
Næsti dystur er móti Genk í Belgia 22. oktober. Heimadystur verður 5. november.
-
H71 vann á Eiði
Kvinnurnar hjá H71 vunnu sum væntað 29-24 móti EB á Eiði í kvøld.
EB fylgdi væl við í fyrra hálvleiki. Nadja Pejovic, sum er komin úr Kyndli í summar, hamraði fleiri langskot í málið. Tað sama gjørdi Sanja Pajic, og á strikuni spældi Sigrid Eidesgaard ein góðan dyst. Eisini stóð Jovana Stranjanac, sum eisini kom úr Kyndli í summar, væl í málinum.
Beint fyri hálvleik kom H71 nøkur mál fram um, og í steðginum var 15-12 til gestirnar. Í seinna hálvleiki øktist munurin, og orkan hjá EB gekk undan. Einu løtuna var H71 frammanfyri við átta málum. Endin var, at H71 vann 29-24.
Hjá H71 vóru málini væl deild. Sum altíð, hevur H71 nógv nýtt ungt fólk at seta við, og í kvøld var tað Fjóla Skaalum Vilhelm, sum á vinstra bakki vísti, at hon dugir at spæla hondbólt. Eisini stóð Anita Dahl ein góðan dyst í málinum.
-
Djóni heldur fram á Toftum
B68 boðar frá, at Djóni Samuelsen heldur fram í B68 komandi kappingarár.
18 ára gamli Djóni Samuelsen kom úr HB til B68 undan hesum kappingarárinum. Hann hevur sambært FaroeSoccer skotið 2 mál í 21 dystum fyri toftamenn.
Áki er beiggi U21-landsliðsleikaran, Áka Samuelsen.
-
Áki skoraði við brotssparki
Áki Samuelsen javnaði til 1-1 við brotssparki beint fyri hálvleik, tá ið Ranheim vann 2-1 á útivølli móti Raufoss í næstbestu norsku deildini.
Hóast Famara Camara hjá Ranheim fekk reytt kort um miðjan seinna hálvleiki, eydnaðist Mikael Tørset Johnsen at skora sigursmálið fýra minuttir fyri tíð.
Ranheim er nummar seks við 38 stigum, men tað eru bara trý stig upp til Start á øðrum plássið, nú seks dystir mangla. So kappingini um uppflyting er hørð millum.
Áki hevur skotið sjey mál hetta kappingarárið.
-
Kvinnulandsliðið í hondbólti úttikið
Hondbóltssambandið boðar frá, at Claus Leth Mogensen og Simon Olsen, landsliðsvenjarar, hav tikið út hesar 16 leikarar til EM-undankappingardystirnar móti Íslandi og Montenegro í oktobur.
EM-undankappingardystirnir móti Íslandi og Montenegro verða leiktir, ávikavist á útivølli við Ásvellir mikudagin 15. oktobur kl. 20.30, føroyska tíð og á heimavølli Við Tjarnir leygardagin 18. oktobur kl. 19.00.
Hesar eru úttiknar til dystirnar:
Málverjar:
- Rakul Wardum, Ringkøbing Håndbold (DEN)
- Gylta Djurhuus á Neystabø, Kyndil
Bakkar:
- Elsa Egholm, Ajax København (DEN)
- Jana Mittún, Viborg HK (DEN)
- Maria Pálsdóttir Nólsoy, HH Elite (DEN)
- Maria Halsdóttir Weyhe, H71
- Marita Mortensen, HØJ (DEN)
- Lív Bentsdóttir Zachariasen, Ajax København (DEN)
- Súna Krossteig Hansen, Skanderborg Håndbold (DEN)
Vengur:
- Lív Sveinbjørnsdóttir Poulsen, VÍF
- Karin Egholm, H71
- Anna Elisabeth Halsdóttir Weyhe, H71
- Rannvá Olsen, Ejstrup/Hærvejen (DEN)
Strikur:
- Pernille Brandenborg, Storhamar (NOR)
- Vár Bentsdóttir Zachariasen, Ajax København (DEN)
- Bjarta Osberg Johansen, Kyndil
-
Landsliðshópurin móti Montenegro og Kekkia
Eyðun Klakstein, landsliðsvenjari, hevur tikið hesar leikarar út til heimadystirnar móti Montenegro hósdagin 9. oktobur, og móti Kekkia sunnudagin 12. oktobur.
Málverjar
- Bárður á Reynatrøð, Víkingur
- Mattias H. Lamhauge, FC Fredericia (Danmark)
- Bjarti V. Mørk, HB
Verjuleikarar
- Andrias Edmundsson, Wisla Plock (Pólland)
- Gunnar Vatnhamar, Víkingur (Ísland)
- Samuel Chukwudi, SJK Seinajoki (Finnland)
- Odmar Færø, KÍ
- Viljormur Davidsen, HB
- Martin Agnarsson, Aarhuus Fremad (Danmark)
- Jóannes Kalsø Danielsen, KÍ
- Jann Benjaminsen, NSÍ
Miðvallarleikarar
- Brandur H. Olsen, NSÍ
- Hallur Hansson, KÍ
- Hanus Sørensen, NK Triglav Kranj (Slovenia)
- Jákup B. Andreassen, KÍ
- Geza Turi, Grimsby (Ongland)
- Adrian Justinussen, Hillerød (Danmark)
- Árni Frederiksberg, KÍ
- Jóannes Bjartalíð, Fredriksstad (Noreg)
Álopsspælarar
- Páll Klettskarð, KÍ
- Meinhard Egilsson Olsen, Kolding (Danmark)
- Jóan Símun Edmundsson, KA Akureyri (Ísland)
- Petur Knudsen, NSÍ
-
U21-landsliðshópurin móti Fraklandi og Sveis
Ólavur Mikkelsen hevur tikið úr U21-landsliðshópin út til heimadystirnar móti Fraklandi í Klaksvík fríggjadagin 10. oktobur og móti Sveis á Tórsvølli týsdagin 14. oktobur.
U21-landsliðið
Málverjar:
Rasmus Olsen, FC Suðuroy
Hans Jákup Arngrímsson, VíkingurVerjuspælarar
Aron Reinert Hansen, B68 Toftir
Jákup Vilhelmsen, B68 Toftir
Jónas Prior, 07 Vestur
Ingi Arngrímsson, Víkingur
Virgar Jónsson, EB/Streymur
Bjarti Thorleifsson, Skála ÍF
Torkil Holm, TB TvøroyriMiðvallarspælarar
Jógvan Gullfoss, B36 Tórshavn
Mattias Hellisdal, B36 Tórshavn
Árni Nóa Atlason, Víkingur
Dávid Biskopstø Andreasen, KÍ Klaksvík
Ejvind Restorff Mouritsen, HB Tórshavn
Heini Fossdalsá Sørensen, HB Tórshavn
Hanus Højgaard, B68 Toftir
Áki Samuelsen, Ranheim Fotball (Noreg)Álopsspælarar
Jóhan Josephsen, B68 Toftir
Aron Benjaminsen, Kristiansund BK (Noreg)
Dávid Reynheim, Torino (ITA) -
Nuno Espírito Santo skal venja West Ham
Nuno Espírito Santo er settur sum venjari hjá West Ham, eftir at Graham Potter var sendur til hús í vikuskiftinum.
Sjálvur var Nuno Espírito Santo uppsagdur í Nottingham Forest fyrr í mánaðinum, hóast hann seinasta kappingarár leiddi Forest til evropeiskan fótbólt fyri fyrstu ferð í 30 ár.
Portugisin hevur áður vant Wolves og Tottenham í Premier League. Eisini hevur hann vant Porto og Valencia.
-
B68 loypti hvøkk á KÍ, sum kann gerast meistari næsta umfar
Nakrar minuttir fyri tíð javanði Daniel Johansen til 3-3, tá ið KÍ vitjaði B68 á Svangaskarði í gjár. Harvið tryggjaði hann oddaliðnum eitt stig, sum ger, at teir kunnu tryggja sær meistaraheitið, um teir vinna móti 07 Vestur í Sørvági næsta leygardag.
Tað sá annars stóran part av dystinum út til, at B68 fór at gerast fyrsta liðið at vinna móti KÍ hetta kappingarárið.
Jóhan Josephsen legði B68 á odda longu í triðja minutti. Tíggju minuttir seinni økti Marjus Nón til 2-0 við frísparki, eftir at Gaston Nicolas Tellechea hjá KÍ fekk reytt kort.
Beint eftir hálvleik fekk Fríði Petersen hjá B68 beinleiðis reytt kort, og nakrar minuttir seinni høvdu Hallur Hansson og Filip Brattbakk minka um munin og javna til 2-2.
Jóhan Josephsen legði B68 á odda aftur, tá ið 20 minuttir vóru eftir. Men, sum nevnt, átti Daniel Johansen seinasta orðið í dystinum.
B68 kappast við EB/Streym um sætta plássið. Bæði liðini hava 24 stig.
-
FC Suðuroy upp um strikuna
Olivur Thomsen hjá FC Suðuroy javnaði níggju minuttir fyri tíð til úrslitið 2-2 móti TB í grannadystinum, sum eisini var sera týðandi í stríðnum um at sleppa undan niðurflyting.
Nikolei Johannesen legði TB á odda í 36. minutti. Pætur Augustinussen javnaði til 1-1 beint undan steðginum. Musah Armah skoraði til 2-1 fyri TB eftir steðgin.
FC Suðuroy er nú á áttanda plássi við 14 stigum. TB er aftast við 12 stigum. 07 Vestur hevur 13 stig.
-
Víkingur heldur fast í fjórða plássinum
Tað er framvegis stórur spenningur í stríðnum um fjórða plássið í Betrideildini.
B36 og Víkingur spældu javnt 1-1 í Gundadali, og Víkingur er framvegis á fjórða plássi, tvey stig frammanfyri B36.
Símun Sólheim legði B36 á odda í fyrra hálvleiki, men stutt eftir steðgin javnaði Jákup Johansen fyri Víking.
B36 spældi undirmannað í meiri enn ein hálvan tíma, eftir at Ragnar Samuelsen fekk sítt annað gula kort.
Bæði liðini høvdu góðar møguleikar at vinna dystin
-
Emil Pedersen ekta hatrick á Eiði
Emil Pedersen skoraði eitt ekta hatrick, tá ið HB vann 4-0 móti EB/Streymi á Eiði í dag.
Fyrsta málið kom í 26. minutti, og beint undan steðginum skoraði hann tvær ferðir aftrat.
Í seinna hálvleiki økti Ási P. Dam til 4-0.
HB stríðist framvegis um næstfremsta plássið við NSÍ, og eru tvey stig aftanfyri runavíkingar.
EB/Streymur stríðist við B68 um sætta plássið. Bæði hava 24 stig.
-
NSÍ manglar tólv mál í at taka málmetið
Við 5-1 sigrinum á 07 Vestur heldur NSÍ fast í øðrum plássinum, og hevur nú skorað 88 mál í bestu deildini hetta kappingarárið.
Harvið mugu teir skora tólv mál seinastu tríggjar dystirnar fyri at taka málmetið hjá KÍ frá 2021 á 99 mál. Men tað verður kortini ikki lætt, tí NSÍ spælir móti B36, HB og KÍ seinastu tríggjar dystirnar.
Í dag hevði KÍ ongar trupuleikar við at vinna móti vágamonnum.
NSÍ vann greitt í Sørvági. Michal Przybylski lat upp við fyrsta málinum, Klæmint A. Olsen og Daniel Obbekjær fylgdu áðrenn steðgin. Mikkel Hyllegaard minkaði um munin, men NSÍ svaraði beinanvegin. Przybylski og Klæmint skoraðu aftur í seinna hálvleiki.
Klæmint hevur nú 26 mál og er eitt mál frá metinum hjá Mikkel Dahl frá 2021.
07 Vestur er aftur undir strikuni, nú TB og FC Suðuroy spældu javnt í dag
-
Skála staðfesti uppflytingina
Skála er flutt upp aftur í Betrideildina. Tað gjørdist endaliga greitt, tá ið liðið í kvøld vann 5-0 á teimum næstbestu hjá Víkingi undir Mýruhjalla.
Við stórsigri í grannauppgerðini staðfesti Skála, at steðgurin í næstbestu deildini bert var eitt ár.
Markus Isaksen var stóri málskjúttin hjá Skála. 19 ára gamli skálamaðurin skoraði hattrikk. Hini málini í kvøld skoraðu Martin Johansen og Simon Jørgensen
Skála er flutt upp og niður hvørt kappingarár síðan 2020.
-
Kvinnurnar hjá HB vunnu óvæntað steypafinaluna
HB er heilt óvæntað steypavinnari hjá kvinnum. HB vann í gjárkvøldið 1-0 á stórfavorittunum KÍ á Tórsvølli.
Rúna Jacobsen skoraði einasta máilð í dystinum eftir hornaspark, tá ið hálvur tími var spældur.
Eftir steðgin royndi KÍ at leggja stórt trýst á, men HB verjan stóð væl. Málverjin Gunnvá Lützen hevði fleiri góðar bjargingar, og KÍ megnaði ikki at skapa nógvar greiðar málmøguleikar.
HB hevði eisini onkrar møguleikar at økja um leiðsluna, men fleiri mál komu ikki.
Hetta er sætta ferðin, at HB vinnur steypið, og fyrsta ferðin síðani 2019.
Teresa Jacobsen hjá HB varð vald til dagsins leikara.
Síggj fagnaðin í umklæðingrúminum eftir steypasigurin -
H71 misti á stokkinum móti góðum niðurlendskum liði
EHF European Cup
H71 – Fortes Venlo 35-35 (15-12) (eftir umdyst 39-40)Kvinnurnar hjá H71 førdu allan dystin uttan, tá ið dómararnir floytaðu av.
Við seinasta kastinum í ordiliga dystinum, einum brotskasti, javnaði Fortes Venlo, og tað eydnaðist eisini niðurlendsku gestunum at vinnna 40-39 eftir umdyst.
Les meira -
Adrian bæði málini í sigri
Adrian Justinussen skoraði bæði málini, tá ið Hillerød í næstbestu donsku deildini vann 2-1 móti Horsens.
Hann legði Hillerød fram um í fyrra hálvleik, og aftur í seinna hálvleiki, eftir at Horsens hevði javnað. Hin føroyski landsliðsleikarin í Hillerød, Poul Kallsberg, legði upp til seinna málið.
Hillerød er er fremst í næstbestu deildini í Danmark.
