Category: Hondbóltur

  • U20 EM: Fraklendingar vóru ov sterkir

    U20 EM: Fraklendingar vóru ov sterkir

    U20-hondbóltsmenninir hjá Føroyum fylgdu við Fraklandi eina lítla løtu í EM.dysti í gjár. So dróg Frakland frá og vann ein greiðan 38-23 sigur.

    Føroyar høvdu nakrar góðar løtur, men nógvir feilir kostaðu nógv. Í hálvleikinum var støðan 19-14.

    Í seinna hálvleiki fall føroyska spælið saman, og fraklendingar øktu støðugt. Munurin vaks til 15 mál.

    Føroyskur toppskjútti var Jákup Egholm við 5 málum.

    Føroyar spæla í klokkan 17.30 móti Týsklandi. Dysturin verður vístur á Portalinum og sendur á FM1.

    Frammanundan dystinum er greitt, at Føroyar enda á fjórða plássi í meginbólki I.

    Dystartøl á heimsíðuni hjá EHF >>

  • U20 bukaðir av Sveis – Komu kortini víðari

    Longu undan seinasta dystinum í bólkaspælinum í U20‑EM móti Sveis var greitt, at Føroyar komu víðari í millumumfarið, tí Koratia tapti óvæntað móti Turkalandi.

    Eftir eina góða byrjan hjá Føroyum, kom Sveis skjótt nøkur mál fram um, og so var ongantíð nakar sum helst ivi um, hvør fór at vinna.

    Sveis bukaði Føroyar av. Eftir støðuna 18-12 til Sveis í hálvleikinum, bara økti Sveis eftir stegðin.

    Endin var, at Føroyar taptu so nógv sum 40-23

    Føroyar hava sostatt einki stig við sær í millumspælið, meðan Sveist hevur tvey.

    Føroyar skulu nú spæla móti Fraklandi mánadagin klokkan 15
    og Týsklandi týskvøldið klokkan 17.30.

  • U20 EM: Vunnu greiðan sigur á Turkalandi

    U20 EM: Vunnu greiðan sigur á Turkalandi

    U20 EM menn
    Føroyar -Turkaland 40-28 (21-14)

    Føroysku U20-menninir vunnu, sum væntað, greiðan 40-28 sigur á Turkalandi í EM-bólkaspælinum.

    Føroyar komu fram um beinanvegin og øktu spakiliga leiðsluna. Í hálvleikinum førdu Føroyar 21-14.

    Venjararnir nýttu høvið at brúka nakrar eykaleikarar, og nærum allir leikararnir skoraðu mál, sjálvt málverjin Ingi Johannesen.

    Úrslitið hevur sum so ikki nógv at siga fyri, um Føroyar koma víðari.

    Tá ið Serbia og Sveis hava spælt hin dystin í bólkinum seinni í dag, vita vit betri, hvat krevst í seinasta bólkadystinum móti Sveis í ovurmorgin. Tað er tó greitt, at Føroyar má vinna tann dystin, men við hvussu nógvum málum, vita vit ikki enn.

    Dysturin móti Sveis verður spældur leygardagin klokkan 17.30. Portalur vísir dystin, sum eisini verður at hoyra á FM1.

    Føroyskir málskjúttar
  • U20 EM: Vánalig byrjan eftir steðgin kostaði sigurin

    U20 EM: Vánalig byrjan eftir steðgin kostaði sigurin

    U20 EM menn
    Serbia – Føroyar 32-31 (14-17)

    Ein vánalig byrjan upp á seinna hálvleiki gjørdi, at føroysku U20-menninir í hondbólti taptu fyrsta dystin í EM-endaspælinum 32-31. Føroyar førdi 17-14 í steðginum.

    Føroyar byrjaði dystin við fullari ferð og kom fram um rættiliga skjót.

    Drúgvastu málskjúttarnir vóru Jákup Egholm á vinstra veingi og brotskaststskjútti og Fríði í Innistovu sum dugdi væl at smoygja seg gjøgnum verjuna eftir gott uppspæl frá hinum bakspælarunum Paula Rasmussen og Rúna Hammar. Í málinum stóð Bjarni Jacobsen eisini ein góðan dyst.

    Í steðginum førdu Føroyar 17-14, og fyrst í seinna hálvleiki fingu okkara menn eitt gott høvi at draga meira frá, tá ið Serbia fekk bæði útvísing og reytt kort. Men Føroyar taptu tað løtuna 2-0, og Serbia kom fram um 18-17, áðrenn Føroyar skoraði fyrsta málið.

    Nú vóru tað Føroyar sum runnu aftaná restina av dystinum.Serbia helt seg frammanfyri næstan alla tíðina, men Føroyar javnaði seinastu ferð til 27-27 í 51. minutti.

    Móti endanum brendu Føroyar nakrar góðar møguleika, men tað skal eisini sigast, at Bjarni Jacobsen tók nøkur góð skot.

    Føroyar taptu at enda 32-31, og kunnu veruliga iðra seg um vánaligu byrjanina í seinna hálvleiki, tí vit stóðu einki aftanfyri Serbia, kanska vóru vit betri.

    Føroyskir málskjúttar

  • U20-menn fyrsta dystin í EM-endaspælinum í dag

    U20-manslandsliðið í hondbólti skal komandi hálvaaðru vikuna spæla EM-endaspæl í Rumenia.

    Fyrsti dysturin verður spældur móti Serbia í kvøld klokkan 17.30.

    Portalurin stroymir ókeypis frá dystinum, og dysturin verður eisini at hoyra á FM1.

    Dystartøl á heimasíðuni hjá EHF >>

    Føroyar eru í Bólki B saman við Serbia, Turkaland og Sveis.

    Tvey tey bestu londini fara víðari til meginumfari. Meðan tvey tey niðastu fara í eina kapping fyri seg.

    Eru tvey lond jøvn í stigum, er innhýsis úrslitið avgerandi hvør er frammanfyri.

    Dystaryvirlit

    • 8. juli, kl. 17.30: Føroyar – Serbia
    • 9. juli, kl. 12.30: Føroyar – Turkaland
    • 11. juli, kl. 17.30: Sveis – Føroyar


    Hesir leikarar eru við í Rumenia >>
  • U20-kvinnur taptu fyri Tunesia

    U20-kvinnur taptu fyri Tunesia

    Eftir ein vánaligan fyrra hálvleik vóru føroysku U20-hondbóltskvinnurnar ongantíð veruliga nær við at venda dystinum móti Tunesia og taptu 29-25 í Presidents Cup í HM-endaspælinum í Kina.

    Hondbóltssambandið skrivar, at føroyska liðið gjørdi nógvar feilir, brendi nógv skot og álopsspælið var lítið samanhangandi. Eisini fingu Føroyar fýra útvísingar í fyrra hálvleiki.

    Í steðginum var støðan 15-10 til Tunesia

    Í seinna hálvleiki kom betri glið á spælið, og okkara skoraðu 15 mál.

    Gylta á Neystabø hevði nógvar bjargingar seinastu løtuna, men munurin minkaði ongantíð undir trý mál.

    Kroatia, Føroyar og Tunesia enda øll við fýra stigum í bólki IV í Presisents Cup.

    Innanhýsis úrslitini millum hesi trý londini ger, at Føroyar enda á øðrum plássi, og skulu spæla um plássini 21 til 24. Føroyar spæla móti Argentina hósdagin 2. juli.

    Málskjúttar hjá Føroyum:

    • Silja Geirsdóttir Eystberg 8 (4)
    • Rakul Borgarlíð Joensen 4 (1)
    • Joan Johannesen 3
    • Lív Rouch Ísfeld 3
    • Helena Dahl Magnusardóttir 3
    • Rakul Christiansen 2
    • Karin Elisabeth Leonsdóttir Kjærbæk 1
    • Agatha Djurhuus 1

    Málverjar:

    • Gylta Djurhuus á Neystabø 50 min. 10 bjargingar, 36%
    • Maria Beder 10 min. 1 bjargingar, 13%
  • U20-kvinnur lættan sigur móti Taivan

    U20-kvinnur lættan sigur móti Taivan

    U20-kvinnulandsliðið í hondbólti vann tíðliga í morgun føroyska tíð 30-23 móti Tavian í fyrsta dystinum í Presidents Cup, har spælt verður um plássini 17 til 32 í HM-endaspælinum í Kina.

    Føroyar tryggjaðu sær leiðsluna longu í fyrra hálvleiki, tá ið støðan var 17-10. Mótstøðan var í veikara endanum.

    Okkara fingu skjótt eina trivaliga leiðslu, og venjararnir brúktu breiddina í hópinum.

    Seinni hálvleikur var misjavnur. Munurin kom niður í trý mál eina løtu, men sigurin var ongantíð í vanda.Føroyar strammaðu til í endanum og vunnu greitt 30-23.

    Silja Geirsdóttir Eystberg varð kosin besti leikari.

    Næsti dystur verður móti Tunesia tíðliga í morgin.

    Málskjúttar hjá Føroyum:

    • Silja Geirsdóttir Eystberg 8 (3)
    • Lív Rouch Ísfeld 6
    • Arnfríð Jacobsen 3
    • Mira Bendix Laursen 3
    • Joan Johannesen 2
    • Ró Reginsdóttir 2 (1)
    • Agatha Djurhuus 2
    • Marjun Jansdóttir 2
    • Helena Dahl Magnusardóttir 1
    • Karin Elisabeth Leonsdóttir Kjærbæk 1

    Málverjar:

    • Gylta Djurhuus á Neystabø 15 min. 2 bjargingar, 29%
    • Maria Beder 45 min. 6 bjargingar, 27%

    Dystartøl á heimasíðuni hjá IHF

  • U20-kvinnurnar stríddust væl, men taptu avgerandi dystin í HM

    U20-kvinnurnar stríddust væl, men taptu avgerandi dystin í HM

    Føroysku U20-hondbóltskvinnurnar taptu 27-22 fyri Noreg í avgerandi dystinum í bólki H í HM-endaspælinum í Kina. Dysturin skuldi vinnast, um Føroyar skuldu víðari í meginumfarið.

    Noreg legði seg fram um beinanvegin í dystinum. Men seinastu tíggju minuttirnar fyri steðgin stríddu Føroyar seg inn í dystin aftur, og hálvleiksstøðan var 12-10 til Noreg.

    Seinni hálvleikur byrjaði við trimum norskum málum og so var trupult hjá okkara kvinnum at koma aftur í aftur.

    Nakrar ferðir var munurin seks mál. Men okkara góvust ikki so, og við einari væl spælandi Joan Johannesen á høgra veingi og nøkrum bjargingum frá Gyltu á Neystabø komu Føroyar niður á 21-18, og Noreg tók leikbrá.

    Nærri komu Føroyar tó ikki, og úrslitið gjørdist 27-22 til Noreg.

    Føroyskir málskjúttar vóru:
    Joan Johannesen 6, Rakul Borgarlíð Joensen 5, Rakul Christiansen 3, Karin Elisabet Leonsdóttir Kjærbæk 2, Ró Reginsdóttir 2, Silja Geirsdóttir Eystberg 2, Agatha Djurhuus og Marjun Jansdóttir 1.

    Gylta á Neystabø bjargaði 9 av 30 skotum og Maria Beder 1 av 5.

    Dystartøl á heimasíðuni hjá IHF

    Stigatalvan sæst her

    Føroyar halda nú fram í Presidents Cup, har spælt verður um plássini frá nummar 17 til 32.

    Føroyar og Kroatia úr bólki H koma her í bólk við Tunesia og Taivan. Føroyar spæla móti Taivan mánadagin og móti Tunesia týsdagin. Eftir tað verða spældir plaseringsdystir fram til 5. juli.

  • U20-kvinnur vunnu á Kroatia

    U20-kvinnur vunnu á Kroatia

    Føroyska U20-kvinnulandsliðið í hondbólti vann annan dystin í HM‑kappingini í Kina og tað hendi í einum sera spennandi dysti móti Kroatia. Føroyar vunnu 23‑22 eftir at hava verið á odda 14‑11 í hálvleikinum.

    Kroatia át seg inn á leiðsluna, men 30 sekund fyri leiklok skoraði Mira Bendix Laursen til 23‑22. Føroyska verjan helt síðstu royndini hjá kroatum burtur og sigurin kom í hús.

    Toppskjúttar vóru Silja Geirsdóttir Eystberg og Rakul Borgarlíð Joensen við 6 mál hvør.

    Í gjár tapti Føroyar 32-22 fyri Japan.

    Leygarmorgunin klokkan 9.15 spæla Føroyar avgerandi dyst um annað plássið í bólki H móti Noreg, og um hvør skal víðari til meginbólkaspælið. Føroyar mugu vinna, annars halda U20-genturnar fram í Presidents Cup, har spælt verður um plássini frá nummar 17 til 32.

    Stigatalvan sæst her

    Dysturin verður at síggja her

    Mynd: Geir Wardum á Hondbóltskjak

  • Barcelona vann Champions League móti Hákun og teimum

    Spanska stórfelagið Barcelona er Champions League vinnari í manshondbólti í 2026 eftir greiðan sigur 37-34 móti Füchse Berlin og Hákun West av Teigum. Í steðginum var støðan 20-16 til Barcelona.

    Í hálvfinaluni í gjár skoraði Hákun West av Teigum upp á allar sínar møguleikar. Men í finaluni í dag hevði Hákun ein minni góðan dag. Hann brendi trý tey fyrstu skotini og mátti út á beinkin. Tá ið hann kom inn aftur seint í dystinum skoraði hann tvær ferðir

    Hetta er annað árið á rað, at Füchse Berlin tapir finaluna í Champions League. Füchse gjørdist eisini nummar tvey í Bundesliguni, men vann týsku steypakappingina.

    Finalan á heimasíðuni hjá EHF

  • Silja til danskan hondbólt

    Unga kyndilskvinnan, Silja Geirsdóttir, fer næsta kappingarár at spæla við Ajax København í næstbestu donsku hondbóltsdeildini. Harvið verður hon liðfelagið hjá Lív og Vár Bentsdóttir Zachariasen og Elsu Egholm.

    Silja, sum er fødd í 2006, hevur verið ein týdningarmikil partur av Kyndilshópinum, ið vann bæði FM og steypið í ár. Hon hevur eisini spælt nógv á føroysku U‑landsliðum.

    Silja er bakspælari. Hon spældi eitt kappingarár við besta kvinnuliðnum hjá EB, men hevur annars altíð spælt við Kyndli.

  • Hákun fimm mál og í finaluna í Champions League

    Hákun fimm mál og í finaluna í Champions League

    Hákun West av Teigum spældi ein góðan dyst, tá ið Füchse Berlin vann seg í finaluna í Champions League við 40-35 sigri á týsku meistarunum og verandi Champions League-meistara Magdeburg.

    Hákun skorað fyrsta málið í finaluni, og skoraði samanlagt fimm mál við fimm skotroyndum.

    Füchse í neon-gulum troyggjum var frammanfyri meginpartin av dystinum, men miðskeiðis í seinna hálvleiki kom Magdeburg fram um eina løtu, áðrenn Füchse setti trumf á og avgjørdi dystin.

    Füchse er harvið í finaluni í Champions League annað árið á rað. Í fjør taptu teir móti júst Magdeburg.

    Finalan verður spæld í annaðkvøld klokkan 17.00 móti vinnaranum í hinari hálvfinaluni millum Aalborg og Barcelona, sum verður spæld klokkan 17.00 í dag.

    Dysturin á heimasíðuni hjá EHF

    Síggj Hákun skora fyrsta málið
  • Føroyar spæla í Magdeburg móti Portugal, Póllandi og Algeria

    Føroyar spæla í Magdeburg móti Portugal, Póllandi og Algeria

    Føroyar komu í sterka bólk F saman við Portugal, Póllandi og Algeria í HM-endaspælinum í manshondbólti Týsklandi í januar 2027. Føroyar skulu spæla sínar dystir í Magdeburg.

    Føroyar spæla fyrsta dystin móti

    • Algeria 14. januar
    • Póllandi 16. januar
    • Portugal 18. januar

    GETEC-høllin har dystirnir verða spældir tekur 6.500 áskoðarar.

    Um Føroyar koma víðari til meginumfari verða dystirnir í Hannover 20. januar, 22. januar og 24. januar. Trý tey bestu londini í hvørjum bólki koma víðari, og hava innanhýsis stigini við sær.

    Innleiðandi bólkaspælið verður spælt frá 13. januar til 19. januar. Meginbólkaspælið verður spælt frá 20. januar til 25 januar. Finaluumfarið, fjórðingsfinalur, hálvfinala, finala og dystirnir um plássini verða spæld frá 26. januar til 31. januar.

    Síggj allar bólkarnar í HM-endaspælinum
  • Hákun og Füchse nærum tryggjað sær Champions League

    Hákun og Füchse nærum tryggjað sær Champions League

    Tað skal veruliga vilja illa til, um Füchse Berlin og Hákun West av Teigum ikki skulu spæla Champions League-hondbólt komandi kappingarár. Um tað skal henda, skulu teir tapa við fleiri enn 30 málum móti Flensburg-Handewitt í seinasta dystinum hetta kappingarárið í Berlin sunnudagin.

    Füchse vann í kvøld 39-28 móti Melsungen á útvølli. Í hálvleikinum var støðan 18-16 til Füchse. Hákun skoraði trý mál tíðliga í dystinum.

    Füchse skal eisini spæla final 4 í Champions League vikuskiftið 13. og 14. juni.

  • Óli og GOG vunnu bronsuna

    Óli og GOG vunnu bronsuna

    Við greiðum sigri á Mors‑Thy tryggjaði GOG sær bronsuna í bestu donsku deildini. Kappingarárið hjá Óla Mittún fekk harvið ein góðan enda.

    GOG vann í kvøld 35-29 í Thy høllini. Í steðginum var GOG á odda 15-13. GOG vann eisini fyrra dystin 38-31 og tók bronsuna 2-0.

    Óli skoraði tvey mál og legði upp til heili átta mál.

  • David og Kári skulu venja StÍF-menninar

    David og Kári skulu venja StÍF-menninar

    StÍF boðar í kvøld frá, at felagið hevur sett nýtt venjaratoymi til menninar. David Edvardsen skal vera høvuðsvenjari og Kári Horn verður hjálparvenjari

    Báðir hava drúgvar royndir í føroyskum hondbólti.

    David kom í síni til Føroya at spæla við StÍF og hevur eisini spælt við Neistanum, Kyndli og KÍF. Hann hevur í mong ár verið ein profilur í føroyskum hondbólti bæði sum leikari og venjari.

    Kári hevur eisini nógvar royndir sum venjari. Serliga í kvinnudeildini, men seinasta kappingarár var hann hjálparvenjari hjá neistamonnum.

  • Óli og GOG ikki í finaluna

    GOG við Óla Mittún á liðnum tapti eisini aðru hálvfinaluna móti Skanderborg Aarhuus og koma harvið ikki í finaluna um danska meistaraheitið.

    Skanderborg‑Aarhus vann í kvøld rættiliga greitt 33-26. Í steðginum var Skanderborg‑Aarhus á odda 20-18. GOG førdi leingi í fyrra hálvleiki, men mista leiðsluna beint fyri hálvleik. Í seinna hálvleiki var Skanderborg Aarhuus nógv betri og serliga málverjin, Simon Sejr, spældi sera væl.

    Óli skoraði fýra mál, umframt at spæla upp til fleiri mál og vinna okkurt brotskast.

    Nú skal Skanderborg Aarhuus við Jóhan á Plógv Hansen spæla finalur móti stjørnuliðnum Aalborg. GOG skal spæla bronsudyst móti Mors-Thy.

  • Hákun og Füchse mistu týðandi stig móti Vilhelm og Burgdorf

    Tað var føroyingdystur í Bundesliguni í kvøld, tá ið Füchse Berlin og Hákun West av teimum tóku móti Vilhelm Poulsen og Burgdorf.

    Füchse stríðist fyri at koma upp á annað plássið í Bundesliguni, sum gevur atgongd til Champions League næsta kappingarár. Burgdorg er mitt á stigatalvunni

    Füchse byrjaði dystin best, men skjót kom Burgdorf fyri seg og førdi 15-11 í steðginum.

    Í seinna hálvleiki javnaði Füchse beinanvegin, og so fylgdust liðini restina av dystinum.

    Tá ið farið var inn í seinasta minuttin var javnleikur 30-30, og hvørki liðið skoraði upp á sítt seinasta álop. Harvið misti Füchse eitt sera týðandi stig í stríðnum at koma í Champions League.

    Hákun hevði ein av sínum minni góðu døgum og skoraði bara eitt mál upp á fýra skot. Vilhelm, spældi fyri tað mesta í verjuni, ikki kom á máltavluna.

    Stigatalvan í Bundesliguni

  • Óli og GOG taptu fyrstu hálvfinaluna

    Óli og GOG taptu fyrstu hálvfinaluna

    Eftir tvær ferðir fimm minuttir umdyst, tapti GOG við Óla Mittún á liðnum 38-35 móti Skanderborg AGF á útivølli í fyrstu hálvfinaluni um danska meistaraheitið av trimum møguligum.

    GOG var betri í fyrra hálvleiki, og tað lá væl fyri hjá Óla, hóast hann ikki skoraði so nógv mál. Í staðin stýrdi hann álopinum meistarliga, og megnaði nærum hvørt álop at binda fleiri verjuleikarar og spæla bóltin víðari. Í steðginum var 19-15 til GOG.

    Í seinna hálvleiki fekk Skanderborg AGF nógv betri fatur á í verjuni, og millum annað megnaðu teir nógv betri at steðga Óla.

    Munurin minkaði skjót, og tá ið tíggju minuttir vóru spældir var javnt 23-23. Heimaliðið kom eisini fram um, og var á veg til sigurs, men í seinastu løtu eydnaðist GOG at javnað til 32-32.

    So var umdystur, og nú dróg Skanderborg AGF longra stráðið og vann 38-35.

    Onnur hálvfinalan verður spældi í Gudme leygardagin klokkan 17.00.

  • EB styrkir seg við fyrrverandi donskum landliðsleikara

    Hondbóltskvinnurnar hjá EB fáa munandi styrk næsta kappingarár. Felagið hevur gjørt tvey ára sáttmála avtalu við fyrrverandi danska landsliðsleikaran Mariu Fisker Stokholm, og tað má sigast at vera ein veruligur fongur hjá eiðiskvinnum.

    35 ára gamla Maria, sum spælir á vinstra veingi, kemur úr Viborg HK, har hon var liðskipari og spældi saman við Janu Mittun.

    Hon hevur havt eina yrkisleið á hægsta stigi, og hevur umframt Viborg, spælt fyri Randers HK og CSM Bucuresti. Hon hevur vunnið bæði heimlig meistaraheiti, steypakappingar, EHF Cup og tvær ferðir EHF Champions League.

    Hon hevur spælt 100 dystir fyri danska landsliðið og skorað 250 mál, og vann HM‑bronsu í 2013.

    Í EB fer Maria bæði at spæla og byrja sum venjari saman við Kristinn Guðmundssyni. Hon flytur til Føroya við manni og trimum børnum.

  • Hesum londum kann manslandsliðið møta í HM

    Nú eru allar undankappingar til HM-endaspælið í manshondbólti av, og tí er greitt, hvørji 30 av 32 londum skulu spæla um HM í Týsklandi í januar 2027.

    Londini eru nú deild í fýra styrkisbólkar, har eitt land í hvørjum styrkisbólki fer í hvønn HM-bólk.

    Føroyar eru í styrkisbólki 2, og kunnu ikki møta nøkrum av hinum londunum í hesum styrkisbólki. Talan er millum annað um sterk lond sum Frakland og Noreg.

    Les meira

  • Grønland kom ikki til HM-endapælið

    Meðan vit her heima kundu frøast um, at manslandsliðið í hondbólti spældi seg til HM, so eydnaðist ikki Grønlandi at gera tað sama.

    Grønland, við føroyska Inga Olsen sum hjálparvenjara, tapti greitt 32-18 fyri USA í finaluni í Norður- og Miðamerikonsku undankappingini, sum var spæld í Iowa í USA.

    Í steðginum stóð 13-10 til USA. Men USA vann fyrstu tíggju minuttirnar eftir steðgin 6-1, og so var eingin veður aftur hjá Grønlandi, sum bara skoraði tvey mál fyrstu 23 minuttirnar í seinna hálvleiki.

    USA vann 32-18 og skal sostatt umboða Norður- og Miðamerkia í HM-endaspælinum í Týskland í januar 2027.

    Føroyar kunnu kom í bólk við USA. Vit eru í styrkisbólki 2 og USA í styrkisbólki 3, tá ið lutakastið verður í München 10. juni.

  • Tóku seg saman eftir steðgin – Síggjast til HM í Týsklandi í januar

    HM-røkkstøkkdystur, seinni dystur
    Føroyar – Bosnia-Hersigovina 33-28 (15-17) (samanlagt 57-50)

    Tað hevði væl verið ein lítil katastrofa, um Føroyar ikki megnaðu at spæla seg til HM-endaspælið í manshondbólti móti Bosnia-Hersigovina í høllini við Tjarnir í kvøld.

    Bosniska liðið var ikki eitt serliga gott landslið, og við tvey máls leiðslu frá fyrra dystinum á útivølli, skuldi hendan uppgávan loysast.

    Eftir ein heldur trilvandi fyrra hálvleiki, strammaði Føroyar skrúvurnar í seinna hálvleiki, og vunnu at enda greitt 33-28.

    Nú verður føroysk innrás í Týsklandi í januar.

    Les alla dystarfrásøgnina
  • Jana og Viborg taptu hálvfinaluna í Europa League

    Jana og Viborg taptu hálvfinaluna í Europa League

    Viborg við Janu Mittún á liðnum fingu ongantíð álopsspælið at flóta, og vóru aftanfyri meginpartin av dystinum móti Thüringer úr Týsklandi í hálvfinaluni í Final Four í Europa League.

    Munurin var tó ongantíð stórur, og stutt fyri tíð var javnleikur 24-24. Men týska liðið skoraði tvey mál seinastu løtuna.

    Jana skoraði fýra mál upp á átta royndir og legði upp til eitt mál.

    Nú skulu Viborg og Jana spæla um bronsuna í morgin.

  • Pauli tryggjaði Føroyum gott útgangsstøði

    HM-røkkstøkkdystur, fyrri dystur
    BBosnia-Hersigovina – Føroyar 22-24 (10-12)

    Føroyar fingu eitt sera gott úrslit við sær heim úr Tuzla, tá ið okkara hondbóltsmenn vunnu 24-22 móti Bosnia-Hersigovina.

    Harvið er sera gott útgangsstøði undan seinna dystinum í høllini við Tjarnir leygarkvøldið.

    Les alla dystarfrásøgnina

  • Hákun og teir elta plássið í Champions League

    Hákun West av Teigum skoraði seks ferðir, tá ið Füchse Berlin í dag vann heili 35-28 á Kiel, sum mátti klára seg uttan skadda Elias á Skipagøtu.

    Berlin var á odda 18-16 í steðginum og hevði tamarhald. Hákun var millum næstbestu málskjúttarnir, og nú er Füchse eitt stig frá Champions League plássi.

    Kiel stríðist við at koma á plássini, sum geva evropeiskan hondbólt næsta kappingarár.

    Stigatalvan í Bundesliguni

  • Bjarni og Allan íslendskir meistarar

    Landsliðsleikararnir, Allan Norðberg og Bjarni í Selvindi, hava nú vunnið íslendska meistaraheitið við Vali eftir eina dramatiska fimtu finalu móti FH.

    Valur var omaná so at siga allan dystin og vann 27‑26 á FH.

    Bjarni í Selvindi skoraði fýra ferðir og Allan tvær ferðir. Allan spældi allar 60 minuttirnar í verjuni. FH hevði 23 sekund at javna móti endanum av dystinum, men verjan hjá Vali helt tætt.

    Hetta er fyrsta meistaraheitið hjá teimum báðum í Íslandi.

    Í næstu viku skulu teir við landsliðnum spæla avgerandi HM-undandystir móti Bosnia-Hersigovina.

  • Kyndil er føroyameistari hóast VÍF gav góða mótstøðu

    SMS-deildin, 4. FM-finala
    VÍF – Kyndil 28-30 (14-17) (Kyndil er føroyameistari 1-3)

    Kyndil kom skjótt nøkur mál fram um VÍF í fjórðu FM-finaluni, sum var spæld í høllini í Vestmanna í kvøld.

    Hesin munurin skuldi vísa seg at gerast rættiliga avgerandi, tí hóast VÍF fleiri ferðir var um at fáa Kyndil aftur, so helt Kyndil seg framman fyri alla tíðina, og vann dystin 30-28.

    Kyndilskvinnur eru harvið føroyameistarar 2026, eftir fýra spennandi FM-finalur.

    Les alla dystarfrágreiðingina

  • Hákun brendi í brotskast – Füchse í Final Four

    Hákun West av Teigum brendi sum tann einasti hjá Füchse Beinlin í brotskastkappingini, men tað eyndaðist kortini Füchse at vinna brotskastskappingina móti Veszprém úr Ungarn og harvið spæla seg til Final Four í Champions League.

    Dysturin endaði 31-30 í Berlin, og samanlagt stóð á 65-65, Füchse vann sær góða leiðslu í fyrra hálvleiki, men Veszprém kom aftur í aftur og í steðginum var 16-14 til Füchse..

    Í seinna hálvleiki leikaði javnt á, men Füchse var alla tíðina framman fyri. Fýra minuttir fyri tíð javnaði Veszprém, Men Füchse megnaði at vinna 31-30, og harvið fáa brotskastskapping.

    Hákun skoraði tvey mál í vanligu leiktíðini.

    Final Four verður í Lanxess Arena í  Köln í juni.

  • Málverjin hjá VÍF kvinnum heim til Danmarkar

    Málverjin hjá VÍF kvinnum heim til Danmarkar

    Danski málverjin hjá VÍF‑kvinnum, Ida Mai Nielsen, fer aftur til danskan hondbólt, eftir tvey kappingarár í Vestmanna.

    21 ára gamli málverjin skal spæla fyri SIK Viborg Håndbold í næstbestu donsku deildini. Talan ikki um Viborg HK, har Jana Mittún spælir.

    Ida Mai sigur, at hon eftir tvey frálík ár í Føroyum vil heim aftur til Danmarkar.

    Ida Mai hevur enn møguleika at enda tíðina í Føroyum sum føroyameistari. VÍF spælir í hesum døgum FM-finalur móti Kyndli, og støðan eftir tríggjar finalur er 2-1 til Kyndil.

    Spælt verður best av fimm finalum, og í fjórðu FM-finaluni, sum verður spæld í Vestmanna í kvøld klokkan 19.00, má VÍF sostatt vinna fyri at halda lív í FM-vónini.

  • Filip Jojic toppskjútti í Burndeildini

    Handballstatz gjørt yvirlit yvir toppskjúttarnar í Burndeildin við monnum.

    Toppskjúttin í ár gjørdist, eins og so ofta áður, Filip Jojic úr VÍF, sum skoraði 165 mál.

    Filip hevur gjørt eitt ordiligt comeback í málskjótingini hetta kappingarárið.

    Leikarin við flest leikmálum, tá ið brotskøst ikki eru tald við, varð topskjúttin frá í fjør, William Skovsager úr Kyndli.

    Øll hagtølini í Burndeildini eru á handballstatz.com

  • Turið skoraði sjey tey seinastu málini fyri Kyndil í FM-finalu sigri

    SMS-deildin kvinnur, fyrsta FM-finala av fimm møguligum
    Kyndil – VÍF 29-27 (16-13)

    Hóast 29-27 ikki ljóðar av nógvum, so var lítil spenningur í seinastu tjúgu minuttirnar í fyrstu FM-finaluni í bestu kvinnudeildin í hondbólti.

    Kyndil legði seg avgerandi fram um tíðliga í seinna hálvleiki, og so var eingin vegur aftur hjá VÍF.

    Les alla dystarfrásøgnina

  • Óli og GOG kós móti hálvfinalunum

    Óli Mittún og GOG eru nú næstfremst í bólki 1 í ovara endaspælinum í donskum hondbólti eftir 29-27 sigur á Fredericia. GOG var á odda 15-12 í steðginum. Óli skoraði trý mál .

    GOG er sostatt á greiðari hálvfinalukós við fimm stigum. Fýra av seks umførum eru leikt í ovara endaspælinum.

  • H71 rann Kyndil um koll og er føroyameistari

    Kyndil megnaði als ikki at standa móti H71-maskinuni í triðju FM-finaluni hjá monnum í Hoyvíkshøllini í kvøld.

    H71 snøgt sagt trumlaði Kyndil niður frá fyrsta bríksli, og tað var ein fragd at síggja framúrskarandi hondbóltsspælið hjá øllum teimum framúrskarandi hondbóltsleikarunum úr hondbóltsháborgini í Hoyvík.

    Les alla dystarfrásøgnina

  • Bjarni og Allan vunnu fyrstu íslendsku finaluna

    Valur við fyrrverandi StÍF‑leikarunum, Bjarna í Selvindi og Allani Norðberg á liðnum vunnu í gjárkvøldið fyrstu av fimm møguligum finalum um íslendska meistaraheitið í hondbólti móti FH.

    Tað stóð 16‑16 í steðginum. Eftir steðgin fór Valur frá og vann 37‑33 í Reykjavík.

    Bjarni skoraði tvey mál. Allan gjørdi sítt í verjuni.

    Liðini spæla aftur mánakvøldið klokkan 20.30 á Hafnafjørðinum.

  • Menninir hjá H71 kunnu gerast føroyameistarar í kvøld

    Triðja FM-finalan í hondbólti hjá monnum millum H71 og Kyndil verður spæld í Hoyvíkshøllini í kvøld klokkan 19.00.

    H71 vann tvær báðar fyrstu finalurnar, fyrst tepurt 24-23 og so greitt 31-24.

    H71 hevur verið greitt besta liðið í føroyskum manshondbólti, og er tí greiður favorittur at gerast føroyameistari, og møguliga verður tað í Hoyvíkshøllini í kvøld.

    Spælt verða í mesta lagi fimm finalur. Tað merkir, at fyrsta liðið at vinna tríggjar finalur er føroyameistari

  • Annika fyrsti føroyingur í pólskum hondbólti

    Landsliðsmálverjin í hondbólti, Annika Fríheim Petersen, skiftir í summar til pólska felagið Enea MKS Gniezno. Tað skrivar Portalurin.

    Hoyvíkskvinnan hevur eisini spælt í Íslandi, Noreg og Danmark hevur gjørt eitt ára sáttmála við pólska felagið.

    Gniezno er í løtuni á sjeynda plássið í bestu pólsku deildini.

  • Hákun og Füchse upp á Champions League-pláss

    Við 28-26 sigri móti Gummersbach í Bundesliguni í gjárkvøldið vann Füchse Berlin við Hákun West av Teigum á liðnum seg upp á annað plássið, sum gevur atgongd til Champions League komandi kappingarár.

    Dysturin var sera javnur, 13-12 í steðginum, og Füchse mátti stríðast fyri sigrinum.

    Hákun hevði ikki ein av sínum bestu døgum og missbrúkt øll síni trý skot.

    Füchse kappast fyrst og fremst við SG Flensburg-Handewitt um annað plássið. Füchse hevur nú 46 stig fyri 29 dystir, meðan Flensburg hevur 45 stig fyri 28 dystir. Magdeburg er langt fremst við 52 stigum.

    Stigatalvan í Bundesliguni

  • Óvist nær Elias spælir aftur

    Skaðin í økslini heldur fram at arga Elias á Skipagøtu, og sambært handball-world.news er óvist nær hann spælir aftur. Tað merkir millum annað, at hann ikki verður við avgerandi HM-undandystunum hjá Føroyum móti Bosnia-Hersigovina mitt í mei.

    Elias hevur spælt 22 av 28 dystum fyri THW Kiel hetta kappingarárið og hevur skorað 152 mál og spælt upp til 70.

    Skaðin í økslini hevur argað leingi, Hann sat yvir nakrar dystir í desembur. Men spældi fyri Føroyar í EM-endaspælinum í Oslo.

    Síðan var hann burtur fleiri dystir hjá Kiel, áðrenn hann gjørdist toppskjúti í dysti móti HSV Hamburg herfyri.

    Men skaðin fór ongantíð burtur, og nú sigur Elias við handball-world.news, at hann má halda fullkomiligan steðg fyri at fáa skaðan burtur.

    Kiel má tí klára seg uttan sínu stjørnu í avgerandi dystunum í Bundesliguni og EHF European League.

  • H71 beina kós móti føroyameistaraheitinum

    H71 beina kós móti føroyameistaraheitinum

    Burn-deildin, menn – 2. finala
    Kyndl – H71 24-31 (13-17)

    Við 6-1 leiðslu eftir átta minuttir góvu kyndilsmenn sær sjálvum so góðan møguleika fyri sigri, sum tú einaferð kanst fáa móti sterka H71-liðnum.

    Tað var tó ikki nokk, tí H71 javnaði longu til 8-8, tá ið einogtjúgu minuttir vóru spældir.

    Síðan streyk H71 avstað og førdi 17-13 í stegðinum.

    Kyndil megnaði ongantíð at fáa spenning í dystin aftur, og tað skyldast millum annað, at Torstein Sivertsen stóð væl í málinum.

    H71 vann at enda so greitt sum 31-24.

    Fyri Kyndil skoraðu William Skovsager og Ovi Lützen 5 mál hvør, meðan Jákup Egholm skoraði 7 ferðir fyri H71.

    Triðja FM-finalan verður spæld í Hoyvíkshøllini leyarkvøldið klokkan 19.00

    Dómaraseðil á hsf.fo

  • Vestmannakvinnur í FM-finaluni

    SMS-deildin, kvinnur – 3. hálvfinala
    H71 – VÍF 25-26 (13-15) (VÍF í FM-finalu)

    VÍF vann triðju og avgerandi hálvfinaluna í bestu kvinnudeildini móti H71 í Hoyvíkshøllini í kvøld. Harvið skulu vestmannakvinnur spæla FM-finalu móti Kyndli.

    Dysturin var sera javnur. H71 var frammanfyri stóran part av fyrra hálvleiki, men beint fyri steðgin kom VÍF fram um og førdi 15-13, tá ið liðini fóru at hvíla seg.

    VÍF helt munin fyrst í seinna hálvleiki, og hóast H71 javnaði fýra ferðir seinastu fimm minuttirnar, so var endin, at VÍF vann 26-25.

    Les alla dystarfrásøgnina

  • Kyndil skal royna at svara aftur í aðru FM-finaluni

    Klokkan 20.00 í kvøld spæla menninir hjá Kyndli og H71 aðru FM-finaluna av fimm møguligum í høllini á Hálsi í Havn.

    H71 vann fyrstu finaluna 24-23 í Hoyvíkshøllini. Kyndil var annars frammanfyri meginpartin av dystinum, so tað er lagt upp til eina spennandi finalu í kvøld.

  • Kvinnurnar hjá H71 og VÍF avgerandi hálvfinalu í kvøld

    Í kvøld klokkan 18.00 spæla kvinnuliðini hjá H71 og VÍF triðju og avgerandi hálvfinaluna í Hoyvíkshøllini.

    VÍF vann fyrstu hálvfinaluna 38-32 eftir umdyst. H71 hevði greiða yvirvág í aðru hálvfinaluni og vann 33-29.

    Í kvøld skal so alt avgerast. Vinnarin av kvøldsins hálvfinalu fer í finaluna.

  • Argentinskur høgri bakkur til Neistan

    Argentinskur høgri bakkur til Neistan

    Neistin hevur gjørt avtalu við argentinska høgra bakkin Tomás de San Roque,

    Tomás de San Roque er 28 ára gamal og hevur drúgvar altjóða royndir. Hann byrjaði sína hondbóltsleið í Regatas de Mendoza og fór longu sum ungur til Spania. Síðan hevur hann spælt í bæði Argentina, Italia og Spania.

    Afturat sínum leikluti á besta liðnum verður Tomás eisini partur av ungdómsarbeiðnum hjá Neistanum.

  • Næstan útselt til avgerandi dystin móti Bosnia Hersigovina

    Hondbóltssambandið boðar frá, at tað er um at vera útselt á sitiplássunum til avgerandi HM-undankappingardystin hjá monnum ímóti Bosnia Hersigovina.

    Dysturin verður spældur leygarkvøldið 16. mei klokkan 19.00 í høllini við Tjarnir.

    Fyrri dysturin verður spældur á útivølli 14. mei. Samlaði vinnarin kemur til HM-endaspælið í Týsklandi í januar 2027.

  • U20-hondbóltskvinnurnar til HM í Kina

    Hóast føroyska U20-kvinnurnar í hondbólti ikki spældu seg til HM-endaspælið, so hava Føroyar nú fingið eitt sonevnt wild card frá IHF. Tað skrivar Hondbóltssambandið.

    Av tí, at einki land úr Osiania verður við, so fer teirra pláss farið víðari til eitt annað land, sum í hesum førum eru Føroyar.

    Føroyar eru í bólki H saman við Kroatia, Japan og Noreg.

    HM-endaspælið verður leikt í Jinzhong í Kina í døgunum 24. juni til 5. juli.

  • H71 noyddi fram triðju hálvfinaluna móti VÍF

    H71 noyddi fram triðju hálvfinaluna móti VÍF

    Júst sum hjá monnunum vunnu kvinnurnar hjá H71 aðru hálvfinaluna móti VÍF, og harvið skulu liðini spæla eina triðju og avgerandi FM-hálvlfinalu.

    H71 kom skjótt nøkur mál fram um, men VÍF megnaði at minka til hálvleiksstøðuna 16-14 til H71.

    Fyrstu átta minuttirnar av seinna hálvleiki vann H71 7-1, og so var eingin vegur aftur hjá VÍF.

    Ein av lyklaleikarunum hjá H71, Anna Elisabeth Weyhe fekk reytt kort tíggju minuttir eftir steðgin. Men VÍF megnaði ongantíð at koma nærri enn fýra mál, og H71 vann dystin 33-29.

    Stóri málskjúttin og besti leikarin hjá H71 í dag var vinstri vongur, Sára Berg á Lag, sum skoraði 11 ferðir. Hjá VÍF skoraði Lív Sveinbjørnsdóttir Poulsen 8 ferðir.

    Triðja og avgerandi finalan verður spæld í Hoyvíkshøllini mikukvøldið klokkan 18.00.

    Dómaraseðilin á hsf.fo

  • Kyndilskvinnur í finaluni

    Kyndilskvinnur í finaluni

    Kyndilskvinnur vunnu eisini lættliga aðru hálvfinaluna móti Neistanum. Tær grønu heilt einfalt smurdu grannarnar av 42-25.

    Fyrstu tjúgu minuttirnar megnaði Neistin at fylgja við. Men seinastu minuttirnar fyri steðgin dróg Kyndil frá. Tað stóð 17-12 á máltalvuni, tá ið liðini fóru at hvíla seg.

    Í seinna hálvleiki megnaði Neistin einki, og Kyndil bara økti til dysturin var av.

    Turið Arge Samuelsen skoraði 11 mál fyri Neistan, og Ró Reginsdóttir skoraði sjey mál fyri Neistan.

    Kyndil vann harvið báðar hálvfinalurnar greitt, og eru í finaluni, har tær skulu spæla móti øðrum av H71 ella VÍF

    Dómaraseðil á hsf.fo

  • Hákun seks mál og týskur steypavinnari

    Hákun seks mál og týskur steypavinnari

    Hákun West av Teigum og Füchse Berlin eru týskir steypavinnarar.

    Hákun skoraði seks mál í 42-33 sigrinum móti Bergischer og hevði harvið ein týðandi leiklut í steypasigrinum

    Bergischer fylgdi annars væl við í fyrra hálvleiki. Men seinastu løtuna fyri steðgin dróg Füchse frá, og so var eingin vegur aftur hjá Bergischer, sum óvænta var í steypafinaluni.

  • Hákun og Füchse spæla týsku steypafinaluna í morgin

    Hákun og Füchse spæla týsku steypafinaluna í morgin

    Landsliðsleikarin, Hákun West av Teigum, skoraði trý mál, tá ið Füchse Berlin vann 39-36 á Lemgo í hálvfinaluni í týsku steypakappingini. Hákun skoraði fyrsta og seinasta málið.

    Hákun og teir vóru longu á odda 20-16 í steðginum. Men Lemgo kom tó aftur í aftur í seinna hálvleiki, og spenningur var í heilt til seinastu minuttirnar.

    Steypafinalan verður spæld í morgin klokkan 14.45 móti Bergischer, sum heilt óvæntað basti oddaliðnum í Bundesliguni, Magdeburg eftir brotskastskapping.

    Týska steypafinalan verður víst á donsku rásini TV3 Max.