Category: Svimjing

Bartal Erlingson Eidesgaard úr Havnar Svimjifelag setti í dag í Swim Open Tórshavn føroyskt met i 100 metra frísvimjing á langgeil við tíðini 51,50 sekund. Líggjas Joensen átti meti frammanundan við tíðini 51,68, sum hann setti fyrr í ár.

Bartal setti eisini tvey met í gjár

Menninir hjá Havnar svimjifelag settu eisini føroyskt met í dag í 4×100 metra blandaðari svimjing við tíðini 3.57,62.

Teir, ið mannaðu liðið vóru, Óli Mikkelsen; ryggsvimjing, Bartal Erlingsson Eidesgaard; bringusvimjing, Ísak Brisenfeldt: firvaldasvimjing og Silas Dam Lindberg, frísvimjing.

Føroysk met í svimjing

Svimjisambandið skrivar í kvøld, at Bartal Erlingsson Eidesgaard úr Havnar Svimjifelag í kvøld setti tvey nýggj føroysk met á Swim Open Tórshavn á langgeil í nýggja 50 metra svimjihylinum í Gundadali.

Fyrst tók hann gamla metið í 50 metra frísvimjing við tíðini 23,46 sekund, har Magnus Jákupsson frammanundan átti metið á 23,48 sekund heilt afturi frá 2012.

Løtu seinni koma annað metið í hús, tá ið Bartal svam 50 metra bringusvimjing við tíðini 28,81 sekund, og betraði sítt egna met á 29,09 sekund frá 2025.

Eitt framúr gott fríggjakvøld hjá Bartali Erlingsson Eidesgaard og føroyskari svimjing.

Føroysk met í svimjing