Londonfelagið Chelsea váttar í morgun, at Xabi Alonso skal taka yvir sum høvuðsvenjari í felagnum.

Alonso spældi millum annað í Liverpool, Real Madrid og Bayern München.

Sum venjari tók hann í 2022 við í Bayer Leverkusen. Har gjørdi hann ikki mætari enn at enda á fulkomnu yvirvágini hjá Bayern München, og vann týska meistaraheitið, steypakappingina, og spældi 51 dystir á rað uttan at tapa.

Hann byrjaåi hetta kappingarárið sum venjari hjá Real Madrid. Men hósast hampiliga góð úrslit, so kom hann í stríð við onkrar av stjørnuleikarunum í kongaliga spanska høvðusstaðarfelagnum, og so var hann sendur til hús.

Fyri fyrstu ferð síðan 1985 hevði eitt annað felag enn Rangers ella Celtic møguleika at gerast skotskur meistar.

Men í avgerandi dystinum í dag millum Celtic og Hearts, vann Celtic dystin 3-1 og meistaraheitið.

Shankland skallaði Hearts fram um , men Arne Engels javnaði beinanvegin við brotssparki.

Tað var nokk hjá Hearts. Men fýra minuttir fyri tíð skoraði Maeda fyri Celtic, og í yvirtíðini staðfesti Osmand meistaraheitið, tá ið hann skoraði í tómt, eftir at málverjin hjá Hearts var farin fram við í royndini venda gongdini.

Fyribils venjarin hjá Celtic, legendan, MartinO’Neill hevði longu frammanundan vent kappingarárinum hjá Celtic, sum var seks stig aftanfyri, tá ið hann tók yvir, og endaði eitt stig frammanfyri Hearts.

Antoine Semenyo skoraði eitt eitt dreymamál við hælinum eitt korter fyri tíð, og so tryggjaði Manchester City 1-0 sigurin á Chelsea í FA-cup finaluni.

Fyrsta tíman var ikki nógvir møguleikar. Men eftir 72 minuttir endaði eitt gott álop við at Semenyo hælaði bóltin í málið.

Chelsea var nær við eftir eitt innlegg. Men inn fór bólturin ikki.

Hetta var triða FA-cup, sum City vinnur undir Pep Guardiola og tað áttanda samanlagt.

Dreymurin hjá Geza Turi og Grimsby um at spæla uppflytingarfinalu á Wembley brast eftir longda leiktíð í seinna avgerandi dystinum móti Salford.

Grimsby vann sjálvan dystin í kvøld 2-1, eftir at hava verið aftanfyri. Harvið var samlaða úrslitið 3-3, og longd leiktíð mátti til at avgera, hvør slapp at spæla á Wembley.

Geza spæli í ein góðan tíma og var skiftur út, tá ið Grimsby var aftanfyri 1-0.

Í longdu leiktíðini skoraði Salford tríggjar minuttir fyri tíð, og harvið verður tað liðið hjá fyrrverandi Manchester United-leikarunum, David Beckham og Gary Neville, sum skal spæla finalu móti Notts County um at flyta upp í triðbestu deildina

Løgmanssteypið, fyrra hálvfinala
HB – Víkingur 2-1 (0-0)

Eftir ein góðan seinna hálvleik vann HB sær ein lítlan fyrimun undan seinnu hálvlfinaluni í steypakappingini um Løgmanssteypið móti Víkingi í góðveðrinum í Gundadali í dag.

Les alla dystarfrágreiðingina

Heima á Camp Nou tyggaði Barcelona sær í gjárkvøldið spanska meistaraheitið við at vinna 2-0 móti Real Madrid.

Eitt stig var nokk, men Barcelona gjørdi skjótt av. Marcus Rashford hamraði eitt frispark upp í hornið í níggjandi minutti, og tíggju minuttir seinni økti Ferrán Torres eftir eitt gott álop.

Real hótti ongantíð, og Barcelona tryggjaði sær sítt 29. meistaraheitið.

Annað árið á rað vann Real einki steyp.

Stigatalvan í La Liga

“Teir hvítu” úr Aarhus gjørdust í dag danskir meistarar í fótbólti fyri fyrstu ferð í 40 ár.

Eftir at Midtjylland fyrr í dag bara spældi javnt, var greitt, at AGF kundu gerast meistari í dag, um teir vunnu í Brøndby.

AGF kom eisin ibeinanvegin á sigurskós, tá ið Hendrik Dalsgaard skoraði, og um miðjan fyrra hálvleiki økti Kevin Yakob til 2-0.

Fleiri mál komu ikki í dystinum, og heima í Aarhus, brast allur býurin er sigursrróp, nú tað endiliga eydnaðist stórfelagnum í “Smilets by” at vinna meistaraheitið, hóast ein dystur manglar at spæla.

Stigatalvan í superliguni

Í einum sera dramatiskum dysti, megnaði oddaliðið í Premier League akkurát at vinna trý sera týðandi stig móti West Ham á útivølli.

Leingi var málleyst á London Leikvøllinum og málverjin hjá Arsenal, David Raya hevði eina dystarvinnandi bjarging, beint áðrenn Arsenal skoraði einasta málið í dystinum.

Leandro Trossard skoraði eftir sera gott forarbeiða av norðmanninum Martin Ødegaard.

Dramatikkurin var ikki av, tí í yvirtíðina fekk West Ham bóltin inn um málstrikuna. Men eftir langan steðg, avgjørdi VAR, at fríspark var gjørti móti Raya í málinum hjá Arsenal, og málið var kolldømt.

Arsenal er nú við 79 stigum fimm stig framman fyri Manchester City, sum hevur spælt ein dyst færri.

Stigatalvan í Premier League

Víkingur megnaði ikki at vinna sær øll stigini, tá ið teir vitjaðu EB/Streym við Margáir í Streymnesi.

Dysturin var hendingarríkur og spældur við nógari ferð, og hóast Víkingur hevði stóra yvirvág, endaði tað 1-1.

Búi Egilsson legði EB/Streym á odda við fínum skallara, men Jákup Johansen javnaði, tá ið málverjin misti bóltin.

Hóast stóra Víkingayvirvág í seinna hálvleiki komu ikki fleiri mál.

Við tí eina stiginum er Víkingur nú ájavnt við HB við ellivu stigum. EB/Streymur er framvegis niðast.

Dysturin á dystir.fo

Stigatalvan í Meistaradeildini Menn á dystir.fo

FC Suðuroy bukaði TB av í fyrsta dystinum um Suðuroynna í 1. deild hetta kappingarárið. Tað gjørdist ein greiður 4-1 sigur við Stórá.

Einki mál kom í fyrra hálvleiki, men eftir steðtin legði Kouassi Dieudonne Yao FC Suðuroya á odda, og so økti Olivur Renéson Thomsen til bæði 2-0 og 3-0, áðrenn Páll Johannesen gjørdi tað til 4-0.

TB fekk troystarmál seint í dystinum, tá ið Omar Sheik Ali skoraði.

FC Suðuroy hevur beina kós upp aftur í Meistaradeildini, meðan TB bara er tvey stig omanfyri niðurflytingarstrikuna.

Stigatalvan í 1. deild á dystir.fo

Manchester City vann í dag 3-0 móti Brentford og kom aftur á sigurskós eftir javnleikin móti Everton seinasta umfar.

Jérémy Doku skoraði eitt framúr mál til 1-0, og Erling Braut Haaland økti til 2-0 við einum h(æ)ldigum hælsparki.

City hevði tamarhald allan dystin, og OmarMarmoush gjørdi tað til 3-0 í yvirtíðini eftir upplegg frá Haaland.

Nú eru bara tvey stig upp til Arsenal í toppstríðnum, og trýst er á Arsenal at vinna á West Ham á útivølli í morgin.

Meistaradeildin menn
B36 – KÍ 1-1 (1-0)

Annað vikuskiftið á rað er nýtt oddalið í Meistaradeildini. B36, sum tók oddasessin frá NSÍ seinasta umfar, spældi í kvøld javnt 1-1 móti føroyameistarunum úr KÍ, og harvið er NSÍ aftur fremst eftir sigurin á HB í gjárkvøldið.

Les alla dystarfrásøgnina

Portugiski miðvallarin hjá Manchester United, Bruno Fernandes, er í kvøld valdur til ársins leikara av Football Writers’ Association eftir eitt sera gott kappingarár.

Hann hevur skorað átta mál og lagt upp til heili 19 í Premier League. Hann eigur stóran leiklut í, at United hevur spælt seg til Champions League komandi kappingarár.

Hann fekk 45% av atkvøðunum frá tíðindafólkunum, greitt frammanfyri Declan Rice og Erling Haaland

Fernandes er fyrsti United‑leikari at vinna heiðurin síðan Wayne Rooney í 2010

Meistaradeildin menn
NSÍ – HB 2-1 (1-1)

NSÍ reisti seg í kvøld aftur eftir ósigurin fyri B36 seinasta vikuskiftið..

Michal Przybylski var stóri maðurin í Runavík í kvøld, og skoraði bæði málini fyri NSÍ í 2-1 sigrinum móti HB, sum hevur fingið sera vánaliga byrjan upp á kappingarárið, nú ein triðingur av kappingini er spældur.

Les alla dystarfrágreiðingina

Tað gongur ikki altíð stillisliga fyri seg í Real Madrid, men nú ber av.

Fraklendingurin, Federico Valverde, hevur fingið heilaskjálvta, eftir hann bardist við liðfelagan Aurélien Tchouaméni undir venjing.

Real váttar hendingina, og at málið verður kannað.

Valverde má nú halda seg í friði í tíggju til fjúrtan dagar. Valverde hevur eisini fingið fleiri pentur av bardaganum. Hann verður harvið ikki við í El Classico móti Barcelona í vikuskiftinum.

Spanskir miðlar skriva um vánaligt huglag í hópinum hjá Real, og at hesin bardagin var eitt framhald frá einum bardaga frá degnum fyri.

HB boðar í kvøld frá, at felagið er komið ásamt við estiska áleyparan, Erik Sorga, um at enda samstarvið av persónligum orsøkum.

HB styrkti seg við 26 ára gamla áleyparanum undan kappingarbyrjan.

31 landsdystir og fýra mál fyri Esland boðaðu frá, at hesin leikarin kundi gerast góður. Men teir fimm dystirnar hann spældi við HB fekk hann lítið burtur úr og skoraði einki mál.

Tað mest minniliga, hann gjørdi í føroyskum fótbólti, var at missa bóltin mitt á miðjuni móti KÍ, sum skoraði upp á eftirfylgjandi álop.

Seinna hálvfinalan í Champions League millum Bayern München og Paris Saint-Germain var ikki líka hendingarík, sum tann fyrsta, ið endaði 5-4 til PSG.

Dysturin byrjaði tó við einum málið, tá ið PSG skoraði longu í triðja minutti. Kvaratskhelia fann Dembélé, sum bankaði bóltin upp í nettakið.

Bayern royndi alt, og Harry Kane javnaði í yvirtíðini við einum frílíkum skoti inni í brotsteiginum við vinstra beini. Men tað var ov seint.

PSG er nú klárt til finaluna móti Arsenal leygardain 30. mei í Budapest.

Londonfelagið Arsenal spældi seg í kvøld í finaluna í Champions League. Teir vunnu 1-0 móti Atletico Madris heima á Emirates leikvøllinum og samanlagt 2-1.

Bukayo Saka skoraði einast málið í dystinum beint fyri steðgin, tá ið hann beindin ein leysan bólt í málið, eftir at Jan Oblak í málinum hevði bjargað einum skoti frá Leandro Trossard.

Tað eydnaðist ongantíð Atletico veruliga at hótta Arsenal í seinna hálvleiki, og í veruleikanum var Arsenal nærri við at økja, og tí var sigurin uppiborin.

Í finaluni á Puscas leikvøllinum í Budapest í Ungarn 30. mei skal Arsenal spæli móti Bayern München ella Paris Saint-Germain, sum spæla seinnu hálvfinaluna í annaðkvøld.

Hetta kappingarárið kann gerast nakað heilt serligt fyri Arsenal, sum ongantíð hevur vunnið stóra evropeiska steypið. Teir eru eisini fremstir í ensku Premier League, nú tríggir dystir eru eftir at spæla.

NSÍ hevði møguleikarnar, meðan B36 skoraði. Soleiðis kann dysturin í Gundadali í kvøld lýsast í stuttum.

Serliga fyrstu løtuna var NSÍ nógv betri, og spældi sum eitt oddalið. Sendingarnar millum leikararnar sótu væl, og NSÍ kom eisini til góðar møguleikar.

Les alla dystarfrágreiðingina

Inter gjørdist í kvøld italskur meistari fyri 21. ferð eftir 2-0 sigur móti Parma.

Milanofelagið skuldi bara hava eitt stig, og tryggjaði sær meistaraheitið longu í triðseinasta umfari.

Marcus Thuram og Henrikh Mkhitaryan skoraðu málini, sum staðfestu meistaraheitið.

Inter hevur vunnið næstflest italska meistaraheiti. Juventus hevur vunnið 36 ferðir, og AC Milan hevur vunnið 19.

Handan forfalnu og duldarfullu múrarnar koma vit inn til ein U17 dyst millum Sparta Praha og okkurt annað lið.

Vit eru sjálvan arbeiðaradagin, 1. mei, á rundferð í bussi í kekkiska høvðustaðnum Prag nærum vilst inn á ein løgnan ítróttaleikvøll uppi á heygnum eystanfyri Vlatavaánna og víðakendu Karlsbrúnna.

Eingin annar valdi at fara av her, og tað er ikki so løgið, tí hetta sær veruliga út sum ein leivd frá kommunistisku tíðini í Kekkoslovakia, sum landið æt tá.

Lesa alla greinina

Ofta liva dystir ikki upp til stórar vónir frammanundan. Men tað gjørdi kvøldsins hálvfinala í Champions League millum Paris SG og Bayern München, sum var við fullari ferð og fótbólti á hægsta stigi frá byrjan til enda.

Harry Kane legði Bayern fram um við brotssparki, áðenn Khvicha Kvaratskhelia javnaði og João Neves legði PSG fram um.

Beint fyri hálvleik javnaði Michael Olise fyri Bayern, og í yvirtíðini í fyrra hálvleiki fekk PSG eitt ivasamt brotsspark, sum Ousmane Dembélé sendi í málið til hálvleiksstøðuna 3-2.

Framúr álopsspælið helt fram í seinna hálvleiki, og áðrenn korterið var spælt høvdu Kvaratskhelia og Dembélé gjørt tað til 5-2 til heimaliðið.

Fótbóltsframførslan helt fram, og tað gekk ikki long tíð, so minkaði Dayot Upamecano til 5-3, tá ið hann skallaði bóltin í málið.

Løtu seinni skoraði Luis Diaz eitt framúrskarandi mál, tá ið hann tamdi ein bólt inn um verjuna frá Harry Kane, legði bóltin til rættis og sendi bóltin í málið til 5-4.

Bayern royndi at fáa javnandi málið, men PSG var nær við at økja, tá ið eitt skor rakti málrammuna. Og beint áðrenn seinasta bríkst bjargaði PSG á strikuni eftir hornaspark.

Fótbóltsheimurin gleðir seg longu til seinnu hálvfinaluna í Bayern mikudagin í næstu viku.

Tað verða Manchester City og Chelsea, sum skulu spæla finaluna í kendu ensku steypakappingini, FA-cup, leygardagin 16. mei.

Manchester City vann leygardagin 2-1 á Southampton. Nico González skoraði avgerandi málið seint í dystinum. Finn Azaz legði annars Southampton fram um ellivu minuttir fyri tíð. Men Jérémy Doku janvaði til 1-1 tríggjar minuttir seinni. Hetta var fjórða finalan á rað hjá City.

Chelsea vann sunnudagin 1-0 á Leeds. Enzo Fernández skoraði einasta málið mitt í fyrra hálvleiki. Chelsea er í síni fyrstu FA-cup finalu síðani 2022.

NSÍ var á veg móti greiðum sigri, men Skála javnaði til 3-3 langt inni í yvirtíðini.

NSÍ kom á odda við máli frá Marius Kryger Lindh. Simon Jørgensen javnaði fyri Skála, áðrenn Daniel Obbekjær og Aleks Freyr Elisson fyrsta korterið í seinna hálvleiki gjørdu til 3-1 til NSÍ.

Men skálamenn stríddust víðari. Simon Jørgensen minkaði við brotssparki, tá ið ein tími var spældur, og í yvirtíðini lyfti Bjarti Thorleifsson fríspark hegnisliga upp um manngarðin til 3-3.

Stigatalvan á dystir.fo

Hóast AB beit frá sær, so vann B36 4-1 inni í Vika á Argjum, og nú er árstalsfelagið bara tvey stig frá toppinum.

B36 var omaná fyrst í dystinum, og Bartal Páll Klein legði teir á odda tíðliga. AB fekk tó javnað til 1-1. Tað var Obule Sunday Moses, sum skoraði.

Beint undan steðginum gjørdi AB-málverjin brotsspark, sum Bogi Reinert-Petersen setti í málið. Beint aftaná gjørdi Torgeir Børven tað til 3-1, og innskifti Tobias Hansen gjørdi tað til 4-1.

Stigatalvan á dystir.fo

Toftamenn hava fingið gongd á í Meistaradeildini. Seinasta vikuskiftið vunnu teir móti HB og í dag tóku teir stig frá Víkingi.

Jákup Johansen legði Víking fram um beint fyri steðgin. Men B68 vendi dystinum til 2-1, tá ið Loick Lespinass og Sebastian Lau Nielsen skoraðu tvey mál upp á tríggjar minuttir.

Fýra minuttir fyri leikloki javnaði Jørgen Nielsen til 2-2.

Toftamenn hildu fast, sjálvt um Ahmet Latif fekk reytt og teir vóru undirmannaðir sjey teir seinastu minuttirnar.

Stigatalvan á dystir.fo

Vágamenn vunnu botndystin móti sundalagsmonnum 2-0 í Streymnesi í dag. Harvið komu teir upp um niðurflytingarstrikuna..

Ole Arntsen skoraði sítt fyrsta mál fyri 07 Vestur, tá ið hann sendi fríspark upp um manngarðin og í málið. Stutt eftir økti Jasper Van Der Heyden til 2-0.

Talan var um javnan dyst, har málleyst var í hálvleikinum.

EB/Streymur er nú undir strikuni.

Stigatalvan á dystir.fo

Meistaradeildin menn
HB- KÍ 0-2 (0-2)

Lagið í HB-húsinum var út av lagið eftir dagsins dyst, meðan KÍ-trummurnar trummaðu tiltikna KÍ-sangin í bygdaskýlinum.

KÍ vann greitt 2-0 í Gundadali í dystinum, har tað frammanundan var sagt, at tapandi liðið fór at vera í kreppu.

Les alla dystarfrásøgnina