Category: Fótbóltur

Litríki porturisiski venjarin, Jose Mourinho, var ikki leingi uttan starv.

Nú 62 ára gamli Mourinho hevur skrivað tvey ára sáttmála við Benfica, sum er felagið, har hann hevði sítt fyrsta venjarastarv í 2000.

Hann varð uppsagdur av Fenerbahce fyri einum mánaði síðan, eftir at hann hevði kritiserað nevndina fyri vánaligt flytingararbeiði undan Champions League-playoff dystinum móti júst Benfica.

Hann gjørdist veruliga kendur, tá ið hann førdi FC Porto til sigurs í Champions League í 2004. Hann setti veruliga lit á Premier League sum venjari hjá Chelsea og nevndi seg sjálvan fyri “The Special One”.

Síðan hevur hann vant Inter, Real Madrid, Chelsea einaferð afturat, Manchester United, Tottenham, Roma og Galatasaray.

30. septembur spælir Benfica spæla móti Chelsea í Champions League í London.

• Liverpool – Atlético Madrid 3–2
• Bayern – Chelsea 3–1
• PSG – Atalanta 4–0
• Ajax – Inter 0–2
• Slavia Praha – Bodø/Glimt 2–2
• Olympiacos – Pafos 0–0

Liverpool vann enn einaferð í seinastu løtu, tá ið teir vunnu 3-2 móti Atletico Madrid heima á Anfield í Champions League í kvøld. Liverpool hevur vunnið allar fimm týðandi dystirnar hetta kappingarárið við málum seint í dystinum.

Liverpool kom annars fram um við málum frá Robertson og Salah beinanvegin í dystinum. Men Atletico Madrid stríddi seg inn í dystin aftur. Marcos Llorente minkaði um mundin beint fyri hálvleiki, og javnaði níggju minuttir fyri tíð.

Metkeypið hjá Liverpool, sviin Alexander Isak, spældi eitt sindur meira enn ein hálvleik fyri Liverpool.

Norska felagið Bodø/Glimt, sum fyri trimum árum síðan tapti móti KÌ, spældi í kvøld sín fyrst dyst í Champions League nakrantíð á útivølli móti Slavia Praha úr Kekkia.

Tað sá einki út hjá norðmonnum, tá ið gestirnir førdi 2-0, og teir høvdu brent eitt brotsspark. Men við tveimum málum, sum Daniel Bassi og Sondre Brunstad Fet skoraðu, fekk Bodø/Glimt eitt stig við heim aftur til Noregs.

Hetta er fyrstu ferð síðan 2007, at eitt norskt felag er við í Champions League.

Champions League fótbóltbóltur er í kvøld, og hjá Liverpool byrjar dýrasti leikari í enskum fótbólti nakrantíð, svenski Alexander Isak, á vøllinum í sínum fyrsta dysti fyri Liverpool móti Atletico Madrid á Anfield.

Tann stóra flytingarframhaldssøgan í summar, var um Alexander Isak fór at skifta frá Newcastle til Liverpool, og Isak noktaði at venja við Newcastle í summar.

Endin varð, at Liverpool keypti hann á Seinasta degi, flytingarvindeyga var opið fyri 135 milliónor pund, sum er tað mesta nakað enskt felga hevur givið fyri ein leikara.

Geza Turi sat á beinkinum allan dystin, tá ið Grimsby í gjárkvøldið vann 1-0 á útivølli móti Sheffield Wednesday í 3. umfari Carabao Cup.

Í øðrum umfari, vann Grimsby nógv umtalaða sigurin móti Manchester United, og tá skoraði Geza í brotssparkskappingini. Í gjár sat Geza á beinkinum allan dystin.

Í fjórða umfarið er møguleiki, at møta góðum liðum. Seinastu dystirnir í 3. umfari verða 24. septembur, og vanliga er lutkastið til næsta umfar beint eftir at seinastu dystirnir eru spældir.

Champions League er í gongd aftur.

Arsenal vann 2-0 á Athletic Club Bilbao. Tað vóru innskiftararnir Gabriel Martinelli og Leandro Trossard, sum tryggjaðu sigurin.

Tottenham og danski venjarin Thomas Frank fingu eina gávu, tá iðmálverjin hjá Villareal gjørdi sjálvmál eftir fýra minuttir, sum eisini gjørdist einasta málið í dystinum.

Real Madrid vann tepurt 2-1 á Marseille. Timothy Weah legði franska liðið á odda, men Kylian Mbappé javnaði við brotssparki. Dani Carvajal hjá Real fekk reytt kort fyri stúta ein mótleikara. Men Madrid fekk enn eitt straffi, og Mbappé tryggjaði sigurin.

Juventus og Dortmund spældi ein villan dyst, sum endaði 4-4. Øll málini komu í seinna hálvleiki. Dusan Vlahovic skoraði tvey mál og legði upp til tað seinasta, sum Lloyd Kelly stútaði inn. Juventus tryggjaði sær eitt stig í seinastu løtu.

PSV Eindhoven tapti óvæntað 1-3 móti Union úr Belgia.

Qarabag úr Aserbadjan gjørdi eitt ótrúligt comeback móti Benfica, sum førdi 2-0. Qarabag skoraði tríggjar ferðir, og vann harvið púra óvæntað í Lissabon

Heimsins besta fótbóltskapping, UEFA Champions League, fer í gongd í kvøld. Kvøldsins dystir síggjast niðan fyri, og nøkur stórfeløg eru við frá fyrsta bríksli.

Millum áhugaverdu dystirnar í kvøld eru Atlhletic Bilbao og Arsenal, og Dortmund og Real Madrid

Tvey norðurlendsk lið er við í Champions League. Bodø/Glimt, sum er við fyri fyrstu ferð nakrantíð, spælir ímikukvøldið móti Slavia Praha klokkan 17:45. FC København møtir Bayer Leverkusen mikudagin klokkan 17:45.

Týsdag

• 17:45 – Athletic Club – Arsenal
• 17:45 – PSV Eindhoven – Royale Union Saint-Gilloise
• 20:00 – Benfica – Royale Union Saint-Gilloise
• 20:00 – Qarabag- Juventus
• 20:00 – Borussia Dortmund – Real Madrid
• 20:00 – Marseille – Tottenham

Mikudag

• 17:45 – Olympiacos – Pafos
• 17:45 – Slavia Praha – Bodø/Glimt
• 20:00 – Ajax – Inter
• 20:00 – Bayern München – Chelsea
• 20:00 – Liverpool – Atlético Madrid
• 20:00 – PSG – Atalanta

Hósdag

• 20:00 – Sporting – Kairat Almaty
• 17:45 – Club Brugge – AS Monaco
• 17:45 – FC København – Bayer Leverkusen
• 20:00 – Eintracht Frankfurt – Galatasaray
• 20:00 – Manchester City – Napoli
• 20:00 – Newcastle United – Barcelona

Landsliðsmálverjin, Mattias Lamhauge, var aftur vøllin, eftir at hava verið á beinkinum í seinasta dysti.

Í kvøld stóð hann í málinum hjá Fredericia móti Vejle. Dysturin endaði 1-1.

Talan var um fimta dystin hjá Mattiasi í bestu donsku fótbóltsdeildini hetta kappingarárið.

Vejle kom á odda í 64. minutti við einum skoti frá Amin Chiakha.

Níggju minuttir seinni javnaði Oscar Buch fyri Fredericia eftir gott innlegg frá Patrick Egelund.

Fredericia hevur 11 stig eftir átta dystir og liggur nummar seks í bestu donsku deildini.

Higartil hetta kappingarárið eru tað bara HB, sum hevur megnað at taka stig frá KÍ, sum stýrir beint móti føroyameistaraheitinum.

Í kvøld megnaði Víkingur so at gerast annað liðið í á at taka stig frá KÍ, tá ið tey bæði liðini spældu málleysan javnleik í Klaksvík.

KÍ hevði bóltin nógv mest í fyrra hálvleiki, men eftir steðgin kom Víkingur betri við. Tað eydnaðist tó hvørgum liðunum at skora

KÍ er fremst, seks stig framman fyri Víking, og hevur spælt ein dyst minni.

Víkingur stríðist við B36 um fjórða plássið, og er við javnleikinum í kvøld tvey stig framman fyri hvítsvarta havnarfelagið.

Stigatalvan á fsf.fo >>

Landsliðs leikarin Adrian Justinussen er á vikuliðnum í næstbestu donsku deildini hetta umfarið.

Hann skoraði eitt mál í 3-0 sigrinum hjá Hillerød móti Esbjerg. Poul Kallsberg spældi eisini ein tíma av dystinum

Hillerød er fremst í Betinia deildini eftir níggju dystir við 17 stigum.

Liverpool bíðaða aftur til seinastu løtu at avgera dystin móti Burnley á Turf Moor. Teir vunnu 1-0 við brotssparki frá Mohamed Salah í fimta minutti í yvirtíðini. Liverpoolhevur vunnið allar fýra dystirnar og liggur einsamalt á odda í Premier League við 12 stigum.

Manchester City vann greitt 3-0 á Manchester United í. Phil Foden og Erling Haaland skoraðu málini, og City klatraði upp í topp 8. Hjá United gongur framvegis eitt sindur upp og niður, og tað er stórt trýst á venjaranum Ruben Amorim.

Arsenal vann 3-0 á Nottingham Forest. Martin Zubimendi gjørdist tvímálsskjútti, og Viktor Gyökeres økti til 2-0. Arsenal er á øðrum plássi við 9 stigum.

Tottenham vann 3-0 á West Ham,. Málini skoraðu Sarr, Bergvall og van de Ven. Spurs liggja nú javnt við Arsenal. Tomáš Souček hjá West Ham varð útvístur tíðliga í seinna hálvleiki.

Chelsea og Brentford spældu javnt 2-2. Carvalho javnaði í yvirtíðini, og Chelsea misti leiðsluna.

Newcastle vann 1-0 á Wolves við máli frá nýkeypta Nick Woltemade. Wolves hava enn ikki fingið stig og eru aftast.

Crystal Palace og Sunderland spældi 0-0. Robin Roefs hjá Sunderland bjargaði fleiri ferðir og tryggjaði eitt stig.

Everton og Aston Villa spældi eisini 0-0. Málverjin, Martínez, hjá Villa fekk heiðurin sum besti leikarin. Villa hevur enn ikki vunnið ella skorað hetta kappingarárið.

Fulham vann 1-0 á Leeds við sjálvmáli í yvirtíðini. Fyrsti sigur hjá Fulham í ár.

Bournemouth vann 2-1 á Brighton. Semenyo avgjørdi við brotssparki. Teir eru nú nummar fýra.

HB og KÍ skulu spæla steypafinalu hjá kvinnum á Tórsvølli leygardagin 27. september.

HB tapti í dag 0-1 fyri Víkingi í Gundadali. Hanna Isaksen Højgaard skoraði í 34. minutti. Sunniva Willemoes fekk reytt kort eftir ein tíma.

Men HB hevði vunnið fyrru hálvfinaluna 3-0 í Sarpugerði, og vann tí samanlagt 3-1.

Við Djúpumýru í Klaksvík vann KÍ stórsigur 7-0 á Skála ÍF. Tóra Mohr skoraði hattrick, Durita Hummeland tvey og Tórun Joensen ,og Maria Vinjardsdóttir Johansen hvør sítt

KÍ vann eisini fyrru hálvfinaluna 3-1 undir Mýruhjalla, og vann sostatt ein samlaðan 10-1 hálvfinalusigur.

Steypafinalan verður ein endurtøka av finaluni 2022, tá KÍ vann 2-1 á HB.

NSÍ og B68 vunnu í dag greitt í 22. umfari í Betri deildini.

Við Løkin í Runavík vann NSÍ 3-0 á TB. Aron Knudsen legði NSÍ á odda í 49. minutti. Klæmint Olsen økti til 2-0 í 54. minutti. Emil Weihe Joensen sló sigurin fastan í 86. minutti. Brandur Olsen legði upp til tvey mál.

Við sigrinum fór NSÍ tvey stig fram um HB, og er nú einsamalt á øðrum plássi.

Í Hólmanum á Eiði vann B68 2-0 á EB/Streymi í fyrsta dystinum við Fróða Benjaminsen sum venjara.

Fyrra málið skoraði Patrick Mensah í 48. minutti, og tað seinna skoraði Sebastian Lau Nielsen í 76. minutti.

Um tað ikki var greitt áðrenn, so eru tað nú púra greitt, at B68 er leyst av niðurflyting, og teir kappast nú í staðin við EB/Streym um sætta plássið.

2-2 er eitt merkiliga vanligt úrslit millum HB og B36, og í dag spældu havnarfeløgini fyri aðru ferð í ár 2-2.

B36 byrjaði dystin betri, men sum fyrri hálvleikur leið, setti HB seg á spælið,. Í 21. minutti var ein HB’ari feldur i brotsteiginum, og Emil Pedersen skoraði trygt við brotssparki.

Í seinna hálvleiki yvirtók B36 aftur spælið og hevði eina rúgvu á hornaspørkum. Tað var eisini eftir eitt av hesum hornaspørkum, at bólturin varð skallaður niður til Ragnar Samuelsen, sum beindi bóltin inn um málstrikuna.

Nú sá út til, at HB fór at yvirtaka spælið aftur, men við einum góðum kontraálopi, eydnaðist B36 at leggja bóltin inn fyri úr høgru síðu, og har kom Ragnar Samuelsen flúgvandi og skallaði bóltin í málið.

Nú fall HB í fátt og hevði torført við at fóta sær eina løtu. Tað eydnaðis tó HB at leggja eitt ávíst trýst á, og eftir eitt langt innkast frá Bartal Wardum, eydnaðist Lassana Faye at javna við handaru stong.

Tað komu ikki fleiri mál í Gundadali. B36 fekk flest stig í havnardystunum í ár, meðan André Olsen framvegis ikki hevur tapt í Betrideildini.

Við einum 3-0 sigri í Vági móti FC Suðuroy, fóru vágamenn upp um niðurflytingarstrikuna fyri fyrstu ferð í ár.

07 Vestur avgjørdi dystin longu í fyrra hálvleiki. Silas Gaard legði teir fram um longu í triðja minutti, og tá ið eitt korter var spælt økti Tobias Gusti.

Hóast FC Suðuroy hevði bóltin nógv, so økti Lukas Giessing til 3-0 miðskeiðis í seinna hállvleiki, og so var eingin vegur aftur á FC Suðuroy.

07 Vestur og FC Suðuroy hava nú bæði 13 stig, men vágamenn hava nógv betri málúrtøku. TB er eitt stig aftanfyri, og spælir í løtuni móti NSÍ.

Útskeldaði danski áleyparin, Rasmus Højlund, sum hevði sera trupult við at skora í Manchester United, fekk eina frálíka byrjan í sínum fyrsta dysti fyri italska felagið Napoli.

Leygarkvøldið spældi hann sín fyrsta dyst í Seriu A móti Fiorentina.

Eftir eitt lítið korter skoraði hann sítt fyrsta mál fyri Napoli, tá ið tað eydnaðist honum at fáa bóltin framvið David de Gea í málinum hjá Fiorentina og økja um leiðsluna til 2-0.

Napoli vann dystin 3-1.

Ein annar fyrrverandi leikari hjá Manchester United, sum eisini spælir í Napoli, gjørdist seinasta kappingarár ársins spælari í Seriu A.

Fýra dystir verða spældir í Betrideildini hjá monnum í dag.

Klokkan 13.30 byrjar botndysturin á Eiðinum, tá ið FC Suðuroy tekur ímóti 07 Vestur. Dysturin hevur stóran týdning í botnstríðnum. FC Suðuroy kann av álvara leggja sjógv ímillum seg og liðini undir strikuni. 07 Vestur má vinna fyri at sleppa uppum niðurflytingarstrikuna.

Klokkan 15.00 verða tveir dystir spældir. NSÍ er risafavorittur móti TB í Runavík. Samstundis spælir EB/Streymur móti B68 á Eiði. Hetta er fyrsti dysturin hjá B68 við Fróða Benjaminsen sum venjara .

Klokkan 17.15 verður grannauppgerð í Gundadali. HB tekur ímóti B36. B36 hevur ikki tapt mót HB í ár, og hava eisini brúk fyri stigunum í stríðnum við Víkingum um fjórða plássið. HB hevur ikki tapt í yvir fýra mánaðir við André Olsen sum venjara

Sunnudagin 14. septembur

• 13.30: FC Suðuroy – 07 Vestur
• 15.00: NSÍ – TB
• 15.00: EB/Streymur – B68
• 17.15: HB – B36

Mánadagin 15. septembur

• 18.30: KÍ – Víkingur

Í sambandi við, at fyrrverandi stórleikarin hjá Bayern München,  Franz Beckenbaur, hevði fylt 80 ár, hevur týska stórfelagið reist eina standmynd í bronsu uttanfyri Allianz-leikvøllin.

Nógv útskeldaði málverjin hjá Manchester United, Andre Onana, er læntur út til turkiska felagið Trabzonspor í eitt kappingarár.

Onana hevur ikki spælt í Premier League í ár, og einasta dystur hansara var í ósigrinum Carabao Cup móti Grimsby Town við Geza Turi á liðnum. Hann stríddist við ein skaða í baklærinum og varð ikki valdur til fyrstu dystirnar.

Beint áðrenn flytingarvindeyga lat aftur, keypti Manchester United eisini málverjan Senne Lammens úr Royal Antwerp fyri 21 milliónir evrur.

Onana kom til United úr Inter í 2023 og hevur spælt 102 dystir og havt 24 rein mál. Hann varð settur á bonkin í endanum av seinasta kappingarári, eftir at hann gjørdi fleiri mistøk í Europa League móti Lyon.

Onana hevur sáttmála við United fram til 2028.

KÍ boðar í kvøld frá, at felagið hevur longt sáttmálan við argentinska verjuskansin Gaston Nicolas Tellechea til og við 2027.

Gaston kom til Føroya við ársbyrjan og hevur síðan verið ein týðandi partur av KÍ-liðnum, bæði í landskappingini og í evropeiskum dystum.

Hann hevur eisini skorað sítt fyrsta mál fyri felagið í einum týdningarmiklum evropeiskum dysti á útivølli.

Enska fótbóltssambandið ákærir Chelsea fyri 74 brot á reglurnar um umboðsfólk, millumfólk og íløgur frá triðja parti í leikarar.

Talan er um tíðarskeiðið frá 2009 til 2022, tá ið Roman Abramovitsj átti felagið. Flestu brotini vóru í kappingarárunum frá 2010/11 til 2015/16.

Chelsea hevur freist til 19. septembur at svara ákærunum.

Chelsea sigur seg sjálvt hava boðað frá møguligu brotunum, og sigur seg samstarva við myndugleikarnar.

Síðan 2022 hevur felagið verið í ogn hjá Clearlake og Todd Boehly-konsortiinum.

Næstbesta liðið hjá B36 vann kvøldsins dyst í 1. deild móti teimum næstbestu hjá 07 Vestur.

Úrslitið gjørdist 1-0 til heimaliðið. Jóhann Joensen skoraði málið tíggju minuttir fyri tíð.

Tey trý stigini eru kærkomin hjá B36, sum í løtuni sær út til at fara at bjarga sær í næstbestu deildini.

07 Vestur er niðast, og tað sær rættiliga ómøguligt út hjá teimum at sleppa undan niðurflyting.

Danski landsliðsleikarin, Christian Eriksen, heldur fram við fótbóltslívinum í týska felagnum Wolfsburg. Tað boðar týska felagið frá á heimasíðun síni

33 ára gamli veteranurin hevur skrivað undir sáttmála, sum varar til 2027.

Eriksen var uttan felag, eftir at sáttmálin við Manchester United gekk út í summar.

Eriksen hevur spælt 144 landsdystir og skora 46 mál fyri danskalandsliðið.

07 Vestur hevur sett Albert Ellefsen sum høvuðsungdómsvenjara. Albert hevur drúgvar royndir sum venjari og hevur áður arbeitt við ungdómsarbeiði í felagnum.

Hann skal nú savna og stuðla lokalum venjarum, og virka sum mentor. Felagið væntar, at hansara tilknýti til nærumhvørvið fer at styrkja samanhald og fótbóltsgleði.

Albert sigur, at hann gleðir seg at skapa góðar karmar fyri børn og ung.

Tottenham-spælarin Djed Spence skrivaði søgu í gjárkvøldi, tá ið hann gjørdist fyrsti muslimur nakrantíð, sum hevur spælt á enska landsliðnum í fótbólti.

Spence kom inn í 5-0 sigrinum móti Serbia í HM-undankappingini.

Muslimska umhvørvið í Bretlandi kallar hetta ein merkisdag.

–⁠ Hann spælir ikki bert fyri Ongland, men fyri muslimum kring heimin, sigur Ebadur Rahman, sum er ráðgevi hjá fleiri muslimskum ítróttafólkum í Onglandi

Bara 6.000 áskoðarar sleppa at síggja Barcelona á heimavølli móti Valencia sunnudagin. Orsøkin er, at felagið ikki hevur fingið neyðugu loyvini at brúka Camp Nou, sum er undir umbygging.

Tí verður dysturin fluttur til Johan Cruyff-leikvøllin á venjingarøkinum hjá Barcelona.

Vanliga er tað kvinnuliðið hjá Barcelona, sum spælir á hesum lítla leikvølli, sum kortini tekur fleiri fólk enn okkara Tórsvøllur.

Noreg vann í kvøld ein risa stórsigur á Moldova, heili 11–1.

Erling Braut Haaland gjørdi fimm mál og hevur nú skotið 49 landsliðsmál á 45 dystum.

Martin Ødegaard og Thelo Aasgaard vóru eisini í høvuðsleiklutum. Ødegaard skoraði eitt mál og legði upp til fleiri. Aasgaard fekk hattrick eftir at Haaland gav honum eitt brotsspark, og skoraði sítt fjórða mál á yvirtíðini.

Úrslitið hevur við sær, at Noreg tryggjaði sær sera góðan málmun í HM.undanbólki I.

Noreg hevur nú vunnið allar sínar fimm dystir og liggur fremst í bólkinum, og kappast millum annað við Italia, um at spæla seg beinleiðis til HM-endaspælið.

Stóra steypafinaluvikuskiftið í ungdómsfótbólti verður um vikuskiftið á Tórsvølli. B36 er umboðað í fimm av seks finalum.

Fríggjadagin 12. septembur klokkan 19:00 spæla AB og B36 finalu í U21.

Leygardagin 13. septembur eru fimm finalur á skránni:

Kl. 10:00 Víkingur – B36 (U13 dreingir)
Kl. 11:30 07 Vestur – B36 (U13 gentur)
Kl. 13:00 Víkingur – B36 (U15 dreingir)
Kl. 16:00 FC Hoyvík – Skála (U16 gentur)
Kl. 19:00 B36 – Víkingur (U17 dreingir)

Atgongumerki fáast við dyrnar. Kostnaðurin er 50 krónur fyri vaksin. Børn og ung sleppa ókeypis.

U21-manslandsliðið EM-undanbólkur C
Luksemborg – Føroyar 0-1 (0-1)

U21 menninir í fótbóltii hava framvegis fult stigatal eftir tríggjar dystir í EM-undankappingini.

Í kvølld vunnu teir ein flottan sigur í Luksemborg, sum undan dystinum var mett at vera favorittur, tí teir hava mannað liðið við spælarum úr fleiri londum.

Eftir hart trýst frá Luksemborg fyrstu løtuna, fóru Føroyar í eitt av sínum fyrstu álopum í 26. minutti, og endin var, at David Reynheim setti høvdið á eitt innlegg frá Heina Sørensen, og so var mál til Føroyar.

Luksemborg hevði bóltin nógv mest í dystinum, og átta minuttir fyri tíð fingu teir eitt brotsspark, sum var torført at fáa eyga á, men dómarin segði, at bólturin kom í hondina á onkrum føroyingi.

Málverjin, Hans Jákup Arngrímsson, gjørdi ikki mætari enn at bjarga brotssparkinum, og harvið gjørdist hann dagstins maður.

Hesir ellivu byrja á vøllinum nú klokkan 18.30 spælir móti Luksemborg á útvølli í U21 EM-undanbólki C.

Televarpið vísir dystin.

Byrjanaruppstilling:

Hans Jákup Arngrímsson – Ejvind Mouritsen, Jákup Vilhelmsen, Ingi Arngrímsson, Virgar Jónsson, Hanus Højgaard, Árni Nóa Atlason, Mattias Hellisdal, Heini Sørensen, Áki Samuelsen, Dávid Reynheim

Útskiftarar:

Rasmus Olsen (má), Bjarti Thorleifsson, Jónas Prior, Aron Benjaminsen, Dávid Andreasen, Tobias Hansen, Tokil Holm, Jógvan Gullfoss, Aron Reinert Hansen

Ange Postecoglou, sum var koyrdur sum venjari hjá Tottenham eftir at hava vunnið Europa League, er settur sum nýggjur venjari hjá Nottingham Forest.

Hann tekur yvir eftir Nuno Espirito Santo, og tað skrivar Nottingham Forest á síni heimasíðu.

Eigarin Evangelos Marinakis sigur, at Postecoglou hevur prógvað, at hann dugir at vinna steyp.

Australiumaðurin hevur vunnið steyp annað árið í øllum feløgum, eisini í Tottenham, hóast liðið endaði á 17. plássi í Premier League.

Nottingham Forest skal royna seg í Conference League seinni í heyst..

Nottingham Forrest boðar í morgun frá, at felagið hevur loyst Nuno Espirito Santo úr starvinum sum høvuðsvenjari.

Avgerðin kemur eftir, at sambandið millum portugisiska venjaran og eigaran Evangelos Marinakis er versnað nógv seinastu vikurnar.

Nuno tók yvir í desembur 2023 og førdi felagið til eitt minnisvert kappingarár, har Forest tryggjaði sær europaspæl fyri fyrstu ferð síðan 1996.

Men í ár hevur hann verið kritiskur og sagt, at felagið hevur ein stóran trupulleika.

Forest hevur bert fingið fýra stig í trimum dystum og tapti seinast 0-3 móti West Ham.

Heimskendi fótbóltsleikarin, Luca Modric, sum fyri fáum døgum síðan spældi á Tórsvølli móti Føroyum, fyllir í dag 40 ár.

Luka Modric er ein av heimsins fremstu miðvallarleikarum og ein tann mest vinnandi spælarin í søguni hjá Real Madrid við seks Champions League heitum

Í 2018 vann hann Ballon d’Or sum besti spælari í heiminum.

Modric hevur spælt yvir 190 landsdystir og leiddi Kroatia til HM-finaluna í 2018 og bronsu í 2022 .

Hann er kendur fyri leikførleika, yvirblikk og støðufesti.

Modric skifti í summar til italska felagið AC Milan

HM-undanbólkur L: Gibraltar- Føroyar 0-1 (0-0)

Eftir ein vánaligan fyrra hálvleiki og eitt vánaligt fyrsta kortet av seinna hálvleiki, settu tríggjar innskiftingar lív føroyska landsliðið.

Føroyar yvirtóku spælið seinasta hálva tíman, og høvdu fleiri rímiligar royndir móti málinum.

Tað endaði við, at Martin Agnarsson var fyrstur á einum retur, tá ið málverjin hevði bjargað einum hálvkiksaðum skoti hjá Brandi Olsen, og ungi havnarmaðurin sendi bóltin í meskarnar í sínum fyrsta landsdysti frá byrjan.

Jóan Símun Edmundsson kom fyri løtu síðan inn á vøllin í landsdystinum móti Gibraltar.

Hetta er hansara landsdystur nummar 96, og harvið tekur hann landsliðsmetið hjá bygdamanni sínum, Fróða Benjaminsen.

Jóan Símun Edmundson spældi sín fyrsta landsdyst 12. august 2009 móti Fraklandi á Tórsvølli.