Kanadiska landsliðið í fótbólti skrivaði í kvøld søgu, tá ið Stephen Eustáquio hamraði ein fluktara flatt í málið tveir minuttir inni í yvirtíðini.

Dysturin móti Suðurafrika var tættur og nakað av fjáltri sást á liðunum, og á SoFi leikvøllinum sást, hvussu nógv tað hevði at siga fyri vertslandið at vinna.

Suðurafrika spældi væl, men skapti lítið. Hinvegin var Kanada meira vandamikið. Móti endanum á dystinum yvirtóku teir eisini spælið, og tað gav úrslit.

Í næsta umfari skal Kanada møta vinnaranum í dystinum millum Niðurlond og Marokko.