Leggið tykkum í geyma navnið Max Dowman hjá Arsenal. Hann er bara 16 ár og 73 dagar, og gjørdist í kvøld søguligur, tá ið hann gjørdist yngsti málskjúttin í Premier League nakrantíð.
Arsenal royndi og royndi, men tað var innskifti Dowman, sum vendi øllum. Fyrst legði hann upp til leiðslumálið, sum somuleiðis innskifti Viktor Gyökeres skoraði, og í yvirtíðini setti hann turboina frá og endaði við at rulla bóltin í tóma málið hjá Everton.
Everton hevði eisini stórar møguleikar í dystinum, men Dowman bjargaði kvøldinum á Emirates-leikvøllinum. Arsenal er harvið framvegis fremst í Premier League. Frammanfyri City, sum spælir móti West Ham í kvøld.