Svensku meistararnir, Mjällby, við Áka Samuelsen á liðnum spældi seg í dag í svensku steypafinaluna, tá ið teir vunnu 3-0 móti GAIS.

Áki kom inn í hálvleikinum, tá ið Mjällby førdi 2-0 og fáar minuttir inn í seinna hálvleik økti Mjällby til úrslitið 3-0.

Í finaluni 16. mei skal Mjällby spæla móti Hammerby.

Besta svenska deildin, Allsvenskan, fer í gongd 4. apríl, og tá spælir Mjällby eisini móti Hammerby á útivølli.