HB boðar frá, at felagið hevur skrivað sáttmála við senegalesiska miðvallaran Amidou Diop, sum spældi við TB í fjør.

Diop er 33 ára gamal. Hann kom til TB Tvøroyri í mars í fjør, og var við sínum 196 sentimetrum sera sjónligur á vøllinum.

Diop er sentralur miðvallari, men kann eisini spæla sum miðverji. Hann er høgur og sterkur í luftini, sterkur kropsliga, og er góður á bóltinum.

Diop hevur spælt 181 dystir í Elituseriuni, bestu deildini í Noreg.