Kvinnulandsliðið í fótbólti var aftanfyri bæði 1-0 og 2-1. Kortini eydnaðist at vinna HM-undandystin á útivølli móti Georgia 3-2 við tveimum málum seinastu minuttirnar.

Georgia legði seg á odda við brotssparki. Beint fyri hálvleik javnaði Brá Zakariasardóttir. Eftir steðgin kom Georgia aftur á odda, og 2-1 sá út at gerast úrslitið.

So varð Birita Ryan feld í hornasparksstøðu. Tórunn H. Joensen skoraði brotssparkið í 87. minutti. Í 90. minutti avgjørdi innskifta Tóra Mohr eftir innlegg frá innskiftu Eydnu Dalheim.

Føroyar vunnu 3-2 og enda nummar tvey í bólkinum við seks stigum. Í næstu viku gerst greitt, um kvinnurnar sleppa at spæla røkkstøkkdystir um at koma til HM-endaspælið í Brasil komandi summar. Tað veldst um úrslit hjá øðrum londum.