Spanska Aitana Bonmati gjørdist í kvøld tann fyrsta kvinnan at vinna gullbóltin trý ár á rað.

Barcelonaleikarin fekk heiðurin handaðan frá Barcelona-legenduni Andres Iniesta.

– Tað er serligt at móttaka heiðurin frá Iniesta. Eg havi altíð sæð upp til hann og Xavi, segði Bonmati.

– Sum lítil helt eg ikki hetta vera møguligt. Eg sá bara menn á sjónvarpinum, segði hon.

Spania og Arsenal-stjørnan Mariona Caldentey gjørdist nummar tvey.