Við 28-26 sigri móti Gummersbach í Bundesliguni í gjárkvøldið vann Füchse Berlin við Hákun West av Teigum á liðnum seg upp á annað plássið, sum gevur atgongd til Champions League komandi kappingarár.
Dysturin var sera javnur, 13-12 í steðginum, og Füchse mátti stríðast fyri sigrinum.
Hákun hevði ikki ein av sínum bestu døgum og missbrúkt øll síni trý skot.
Füchse kappast fyrst og fremst við SG Flensburg-Handewitt um annað plássið. Füchse hevur nú 46 stig fyri 29 dystir, meðan Flensburg hevur 45 stig fyri 28 dystir. Magdeburg er langt fremst við 52 stigum.