Dávid Biskopstø Andreasen fer komandi tvey árini at spæla fyri B36. Tað boðar árstalsfelagið frá í dag.

21 ára gamli klaksvíkingurin flytur úr barndómsfelagnum KÍ, har hann hevur spælt 53 dystir fyri besta liðið. Fyrstu minuttir í bestu deildini fekk hann sambært FaroeSoccer á sumri 2021.

David mátti móti endanum av farna kappingarárið eins og aðrir ungir klaksvíkingar sanna, at tað er trupult at fáa spælitíð á besta liðið hjá KÍ, og spældi seinastu umførini við næstbesta liðnum.

Í B36 er frammanundan ein annar ungur KÍ-ári, miðverjin Børge Petersen.

David hevur spælt sjey dystir fyri U21-landsliðið.