Sølvi Vatnhamar, sum er elsti maður á besta liðnum hjá Víkingi, síðan Atli Gregersen gavst, tekur eitt ár afturat í ljósabláu troyggjuni. Tað boðar Víkingur frá í dag.

39 ára gamli stríðsmaðurin og fyrrverandi landsliðsleikarin spældi sambært FaroeSoccer sínar fyrstu dystir í vaksnamannafótbólti fyri LÍF í 2003, og síðan 2008 hevur hann verið fastur maður á besta liðnum hjá Víkingi.

Samanlagt hevur hann spælt 431 dystir í bestu deildini og skora 153 mál.

Á landsliðnum varð tað til 79 landsdystir.