Óli Mittún skoraði fýra mál fyri GOG í 31-28 ógsigrinum á heimavølli í Champions League móti franska stórfelagnum PSG.

Óli skoraði øll málini fyri steðgin og sat nógv á beinkinum í seinna hálvleiki. Hann legði eisini upp til fýra mál.

Í hálvleikinum var GOG frammanfyri 18-17, men eftir steðgin kom PSG skjótt tvey trý mál framum, og hóast GOG seint í dystinum nakrar ferðir minkaði niður í eitt, so varð endin, at PSG vann 31-28.

Harvið megnaði GOG ikki at endurtaka óvæntaða úrslitið, tá ið teir vunnu umvenda dystin niðri í París fyri nøkrum vikum síðan.