Klokkan seks í kvøld spælir U21-manslandsliðið í fótbólti EM-undandyst á Tórsvølli móti Sveis.

Eftir tríggjar sigrar, taptu okkara menn 6-0 móti Fraklandi í Klaksvík fríggjakvøldið.

Nú skal U21-landsliðið reisa seg aftur og megna teir at fáa úrslit móti Sveis, serliga ein sigur, so er av álvara vón um náa øðrum plássinum, sum gevur atgongd til avgerandi røkk ella støkk dystir.

Við fsf.fo sigur venjarin, Ólavur Mikkelsen, at lykilin er hart arbeiði og gott verjuspæl. Hann metir Sveis sum næststerkasta liðið í bólkinum.

Dysturin á uefa.com

---

Støðan í bólki C

		D	V	J	T	M+	M-	+/-	Stig
1	Føroyar	4	3	0	1	5	8	−3	9
2	Frakland	2	2	0	0	12	1	+11	6
3	Sveis	2	1	1	0	2	0	+2	4
4	Ísland	3	0	2	1	2	3	−1	2
5	Estland	5	0	2	3	5	13	−8	2
6	Luksemborg	2	0	1	1	2	3	−1	1