Igor Tudor er liðugur sum venjari hjá Tottenham eftir bara sjey dystir. Felagið váttar í dag , at tað er semja um at enda samstarvið beinanvegin.

Tudor tók yvir eftir danan Thomas Frank, sum eisini var koyrdur til hús.

Tudor tapti fimm dystir, spældi ein javnleik og vann ein dyst upp á 44 dagar.

Saman við honum fara eisini málmansvenjarin og fysiski venjarin úr felagnum.

Tottenham er bara eitt stig frá niðurflyting, og skal nú aftur hava nýggjan venjara.