B36 boðar í kvøld frá, at Pætur Petersen kemur aftur í felagið og verður tøkur, tá flytingarvindeygað letur upp 15. juni

Pætur var orkuríkur áleypari í B36 í fjør. Hann valdi í vetur at fara til Danmarkar at spæla fyri Hillerød, har tað hevur verið ógvuliga avmarkað við spælitíð.

Hann fær nummar 11 á ryggin, tí Torgeir Børven samstundis gevst í B36. Hann spældi sín seinasta dyst á Toftum í gjár har hann skoraði og vann brotsspark

Børven fer av persónligum ávum aftur til Noreg. Hann spældi 14 dystir og skeyt seks mál fyri B36.