Nottingham Forrest boðar í morgun frá, at felagið hevur loyst Nuno Espirito Santo úr starvinum sum høvuðsvenjari.

Avgerðin kemur eftir, at sambandið millum portugisiska venjaran og eigaran Evangelos Marinakis er versnað nógv seinastu vikurnar.

Nuno tók yvir í desembur 2023 og førdi felagið til eitt minnisvert kappingarár, har Forest tryggjaði sær europaspæl fyri fyrstu ferð síðan 1996.

Men í ár hevur hann verið kritiskur og sagt, at felagið hevur ein stóran trupulleika.

Forest hevur bert fingið fýra stig í trimum dystum og tapti seinast 0-3 móti West Ham.