HB er heilt óvæntað steypavinnari hjá kvinnum. HB vann í gjárkvøldið 1-0 á stórfavorittunum KÍ á Tórsvølli.
Rúna Jacobsen skoraði einasta máilð í dystinum eftir hornaspark, tá ið hálvur tími var spældur.
Eftir steðgin royndi KÍ at leggja stórt trýst á, men HB verjan stóð væl. Málverjin Gunnvá Lützen hevði fleiri góðar bjargingar, og KÍ megnaði ikki at skapa nógvar greiðar málmøguleikar.
HB hevði eisini onkrar møguleikar at økja um leiðsluna, men fleiri mál komu ikki.
Hetta er sætta ferðin, at HB vinnur steypið, og fyrsta ferðin síðani 2019.
Teresa Jacobsen hjá HB varð vald til dagsins leikara.