Landsliðsleikarin, Hákun West av Teigum, skoraði trý mál, tá ið Füchse Berlin vann 39-36 á Lemgo í hálvfinaluni í týsku steypakappingini. Hákun skoraði fyrsta og seinasta málið.

Hákun og teir vóru longu á odda 20-16 í steðginum. Men Lemgo kom tó aftur í aftur í seinna hálvleiki, og spenningur var í heilt til seinastu minuttirnar.

Steypafinalan verður spæld í morgin klokkan 14.45 móti Bergischer, sum heilt óvæntað basti oddaliðnum í Bundesliguni, Magdeburg eftir brotskastskapping.

Týska steypafinalan verður víst á donsku rásini TV3 Max.