Jákup Andreasen og Árni Frederiksberg skoraðu málini, tá ið manslandsliðið í fótbólti vann venjingardystin móti San Marino 2-1.

Fyrri hálvleikur var ógvuliga tamur. Føroyar vóru nógv á bóltinum, men spælið gekk seint fyri seg.

San Marino legði seg á odda eftir gjøgnumbrot í vinstru síðu og flatt innlegg. Viljormur Davidsen kláraði ikki at sparka burtur, og so skoraði heimaliðið.

Jákup B. Andreasen javnaði við høvdinum í yvirtíðini í fyrra hálvleiki. Jóannes Danielsen, Árni Frederiksberg og Petur Knudsen spædlu frálíkt upp til málið.

Í seinna hálvleiki setti Føroyar ferðina eitt sindur upp, og í 64. minutti avgjørdi Árni Frederiksberg, tá ið hann smekkaði bóltin í málið eftir uppspæl í vinstru.