Kyndil var frammanfyri meginpartin av dystinum, og VÍF hevði í fyrra hálvleiki kasta fleiri bóltar framvið tóma málinum, tá ið Kyndil spældi við sjey í álopinum.
Men júst, sum Kyndil sá út til at fara avgerandi fram um, tók málverjin hjá VÍF, Brandur Silvurstein, sum stóð ein góðan dyst, um endan. Hann bjargaði fleiri skotum, fangaði ein skjótálopsbólt og kastaði tvær ferðir í tóma mál. Hetta fekk dystin at koppa til VÍF sum vann 33-31. Í steðginum førdi Kyndil 15-12.
Hjá VÍF skoraði Fríði Holm í Innistovu 6 mál, og Óla Jákup Gaard Olsen og Filip Jojic 5 mál hvør.
Hjá Kyndli skoraðu Erling Erlendsson. Simon Højmark Petersen og Niklas Gaard 6 mál hvør.