U21-liðformaðurin, Áki Samuelsen, skifti í vetur til ongan minni enn svenska meistaraliðið, Mjällby, sum heilt óvæntað vann svensku meistaraheitið í fjør.

Nú er svenska steypakappingin farin í gongd, og Áki hevur verið á vøllinum í báðum dystunum. Í síðstu viku spældi hann 36 minuttir, tá ið Mjällby vann 2-0 á Kalmar, og í gjárkvøldið spældi hann heilar 83 minuttir í 3-0 sigrinum á útivølli móti Örgryte.

Áki var nær við at skora í gjárkvøldið, tá ið eitt dundurskot rakti stongina.

Svenska steypakappingini byrjar við bólkaspæli, og Mjällby hevur fult stigatal eftir tvey umfør.