AC Horsens vann í dag trupla útidystin í næstbestu donsku deildini móti oddaliðnum Lyngby 2-0 eftir at Adrian Justinussen skoraði fyrsta málið.

Málmansmistak hjá Lyngby gav Adrian ein púra leysan møguleikan, og hann legði Horsens á odda tíggju minuttir fyri hálvleik.

Við 2-0 sigrinum er Horsens á uppflytingarkós. Teir skulu næsta sunnudag vinna seinasta dystin á heimavølli móti Kolding, so er uppflytingin í Superliguna tryggjað.